არაჟნის ფხვიერი ცომით მომზადებული მილები ჩაიზე მისაყოლებლად იდეალური ვარიანტია. დესერტი მთელ ოჯახს მოეწონება. ხრაშუნა ცომი და წვნიანი შიგთავსი საოცარი კომბინაციაა, რომლის გემო გულგრილს ვერავის დატოვებს.
ნაზი ტკბილეული ალუბლის შიგთავსით ტკბილეულის მოყვარულებს ნამდვილად მოეწონებათ. ბევრი მოამზადეთ, რადგან პატარა პრეტენზიულებიც დამატებას მოგთხოვენ. რა შეიძლება იყოს უფრო გემრიელი, ვიდრე ნაზი მილები ფერადი შიგთავსით?
როგორ მოვამზადოთ მილები ალუბლით
Gastronomia.ge–ს რედაქცია გთავაზობთ ამ არომატული დესერტის რეცეპტს, რომლის მოსამზადებლად მხოლოდ პროპორციები უნდა დაიცვათ. ასეთი მილები ხრაშუნა გამოდის. პირში პირდაპირ დნება! დესერტის მომზადება კვლავ და კვლავ მოგიწევთ.
ინგრედიენტები:
- 400 გ ხორბლის ფქვილი
- 200 გ არაჟანი
- 10 გ ვანილის შაქარი
- 220 გ შაქარი
- 200 გ კარაქი
- 2 ჩ/კ გამაფხვიერებელი
- 600 გ ალუბალი
- 1,5 ს/კ სახამებელი
მომზადების წესი:
1. ალუბალს კურკა მოაშორეთ, თასში ჩაყარეთ და 150 გრამი შაქარი მოაყარეთ. 10 წუთით გააჩერეთ, შემდეგ წვენი საწურში გადაწურეთ.
2. კარაქი გაადნეთ, არაჟანი (ცხიმიანობა 15%), ვანილის შაქარი და გამაფხვიერებელი აურიეთ.
3. ფქვილი გაცერით და თანდათან ცომს დაუმატეთ, კარგად აურიეთ. მზა ცომი პარკში გადაიტანეთ და მაცივარში 40 წუთით შეინახეთ.
4. ალუბალი და კარტოფილის სახამებელი აურიეთ.
5. ცომი 4 თანაბარ ნაწილად გაყავით და თითოეული გააბრტყელეთ. ახლა კვლავ 4 ნაწილად გაყავით.
6. შიგთავსი მოათავსეთ.
7. ცომი რულეტივით დაახვიეთ, კიდეები შეკარით. მილები ყველა მხრიდან შაქარში ამოავლეთ.
8. პერგამენტ დაფარებულ საცხობ ფორმაზე მილები დააწყვეთ და 180 გრადუსამდე გახურებულ ღუმელში 20-25 წუთით აცხვეთ.
საბოლოოდ ნაზ დესერტს მიიღებთ. მაგიდაზე გაიტანეთ არაჟანთან ერთად, რომელიც შაქრის ფხვნილთან ერთად ათქვეფილია. მენდეთ, ასეთი მილებით ჩაის სმა მაღალ დონეზე ჩაივლის!
