ჩვეულებრივი ზარმაცების ვარენიკები გემრიელია, მაგრამ ნიოკი უკეთესია. იტალიელებმა ჩვეულებრივი ცომი მოსაწყენად მიიჩნიეს და მისი კარტოფილისგან მომზადება გადაწყვიტეს. უნდა აღინიშნოს, რომ ეს კერძი უფრო ნაზი და მდიდარი გემოთი გამოირჩევა, ასევე განსაკუთრებული ფორმითაც.
მხოლოდ ერთი საკითხი რჩება – რასთან მივირთვათ ნიოკი. „გასტრონომიამ“ იცის ამ კითხვაზე პასუხი: ცოტაოდენი ნაღების ყველი და შებოლილი ორაგულის ნაჭერი დაგჭირდებათ. ეს ორი ინგრედიენტი კერძს სადღესასწაულოდ აქცევს.
ინგრედიენტები
- 300 გრ კარტოფილი
- 100 გრ ფქვილი
- 100 გრ ორაგული
- 150 გრ ნაღების ყველი
- 150 მლ რძე
- 2 ს.კ. ლიმონი
- 1 ხახვი
- ზეთი გემოვნებით
- მარილი, პილპილი მწვანილი გემოვნებით
მომზადება
1. მოხარშეთ კარტოფილი მუნდირში. მზა კარტოფილი კანის გარეშე დაჭყლიტეთ ფქვილთან და 1 ჩ.კ. მარილთან ცომის მისაღებად.
2. გააბრტყელეთ და დაჭერით ცომი ნაჭრებად. ჩანგლის მეშვეობით გააკეთეთ ჭრილები. შეგიძლიათ გაყინოთ, ან ჩვენი რეცეპტის მიხედვით მოხარშოთ.
3. ნიოკი მალე იხარშება, როცა ამოტივტივდება, შეგიძლიათ მოხსნათ ცეცხლიდან.
4. მოთუშეთ ხახვი ზეთში. დაამატეთ ყველი და რძე. დაელოდეთ, სანამ მასა ერთგვარი არ გახდება.
5. დაამატეთ ორაგული, ნიოკი, დაჭრილი მწვანილი, ლიმონის წვენი, მარილი და პილპილი. ურიეთ 2-3 წუთის განმავლობაში საშუალო ცეცხლზე. მზადაა!
სოუსის სისქე რძეზეა დამოკიდებული. მწვანილის სახით მოუხდება კამა და ოხრახუში. და გახსოვდეთ, რომ ორაგული პიკანტურ გემოს შესძენს კერძს. გაუზიარეთ ეს რეცეპტი მეგობრებს!
