უდაოდ, ბისკვიტის ტორტი ალუბლით კლასიკაა, რომელიც ნებისმიერ სუფრას დაამშვენებს. ბისკვიტი მსუბუქი და ჰაეროვანი გამოდის, ხოლო კრემი – ნაზი. ალუბლის და ფხვიერი ნამცხვრის „ორეოს“ შიგთავსი დანარჩენ ფენებს შესანიშნავად ერწყმის. ეს ყველაფერი კი ტკბილი შოკოლადის ჭიქურით სრულდება. თუ უფრო ტკბილი ტკბილეული გსურთ, შავი შოკოლადი ნაწილობრივ რძის შოკოლადით ჩაანაცვლეთ.
ალუბლის, ბისკვიტის ტორტის მოსამზადებლად შეგიძლიათ გამოიყენოთ როგორ ახალი, ასევე გაყინული კენკრა. თუ უფრო გაჯერებული გემო და არომატი გსურთ, ალუბალს ღამით სპირტი დაასხით. მომზადების წინ კენკრა აუცილებლად გააშრეთ.
ინგრედიენტები:
- 5 კვერცხი
- 250 გრ შაქარი
- 2 ჩ/კ სახამებელი
- 3 ჩ/კ ჟელატინი
- 1 მწიკვი მარილი
- 4 ს/კ შაქრის პუდრა
- 80 მლ წყალი
- 450 გრ ალუბალი
- 1 კვერცხის გული
- 190 გრ ხორბლის ფქვილი
- 1 ჩ/კ გამაფხვიერებელი
- 3 ს/კ კაკაოს ფხვნილი
- 800 მლ ნაღები
- 200 გრ ფხვიერი ნამცხვარი „ორეო“
- 100 გრ შავი შოკოლადი
მომზადება:
1. კვერცხის ცილა მარილთან ერთად მოცულობითი მასის მიღებამდე ათქვიფეთ. მორევა გააგრძელეთ და ფრთხილად შაქარი დაუმატეთ.
2. ფქვილი, გამაფხვიერებელი და კაკაო აურიეთ და ცილოვან მასას დაუმატეთ. კარგად აურიეთ.
3. საცხობ ფორმას პერგამენტის ქაღალდი დააფინეთ და კარაქი წაუსვით. ცომი ფორმაში ჩაასხით და 180 გრადუსამდე გახურებულ ღუმელში 35 წუთით აცხვეთ.
4. ჟელატინს წყალი დაასხით, აურიეთ და გააჩერეთ.
5. ცალკე 700 მლ ნაღები შაქრის პუდრასთან ერთად ათქვიფეთ. ჟელატინი დაუმატეთ და მორევა გააგრძელეთ. ფხვიერი ნამცხვარი ოთხად დატეხეთ და კრემს დაუმატეთ, აურიეთ.
6. მზა ბისკვიტს ზედა ფენა მოაჭერით, მასზე ალუბალი მოათავსეთ, ზემოდან თანაბრად კრემი დაასხით. ტორტს მოჭრილი ბისკვიტის ფენა დააფარეთ და მაცივარში 6 საათით გააჩერეთ.
7. დარჩენილი ნაღები გააცხელეთ, შოკოლადი დაუმატეთ და ერთგვაროვანი მასის მიღებამდე მოამზადეთ. ტორტს ზემოდან დაასხით და გაგრილება აცადეთ.
დაჭრილი ბისკვიტის ტორტი შეგიძლიათ მთელი ალუბლით მორთოთ. დაჭრილი ტორტი განსაკუთრებით ეფექტურად გამოიყურება: ფაფუკი ბისკვიტი კრემის მაღალი ფენით. კრემის შიგნით კი ალუბალი და საყვარელი ფხვიერი ნამცხვრის „ორეოს“ ნატეხები ჩანს. ერთი ნაჭრის გასინჯვა ყველას მოუნდება!
