დღეს ჩვენი რედაქცია გასწავლით, ძალიან არომატული ლიმონის კრემის რეცეპტს, კრემი ნაზი და იდეალური სისქის გამოდის. არაჩვეულებრივია ნებისმიერი დესერტის გასაფორმებლად ან თუნდაც დესერტად.
ინგრედიენტები:
- 2 ფინჯანი (500 მლ) ცხიმიანი ნაღები
- 125 გ შაქარი
- 2 დიდი ლიმონის წმინდად გახეხილი ცედრა
- 90 მლ ლიმონის ახლადგამოწურული წვენი
- 2 სუფრის კოვზი წყალი
- 2 ჩაის კოვზი ჟელატინის ფხვნილი
- პიტნის ფოთლები – მოსართავად
მომზადების წესი:
- ჩაასხით ნაღები ქვაბში. დაუმატეთ შაქარი და ნახევარი ცედრა. დადგით საშუალო ცეცხლზე და მიიყვანეთ ადუღებამდე. გამუდმებით ურიეთ. ცეცხლს დაუკელით და კიდევ 3 წუთი გააჩერეთ. კრემი არ უნდა ადუღდეს.
- გადმოდგით ცეცხლიდან.
- ლიმონის წვენი და წყალი ჩაასხით პატარა ქვაბში, დაუმატეთ ჟელატინი და დადგით 5 წუთით. შეათბეთ დაბალ ცეცხლზე, თან ურიეთ, ვიდრე ჟელატინი გადნება. გადმოიღეთ ცეცხლიდან, შეაგრილეთ, სანამ კრემს შეურევდეთ.
- კრემი გააგრილეთ 15 წუთი.
- კიდევ ერთხელ მოურიეთ და ჩაასხით 6-8 პატარა ყალიბში, ლიქიორის ჭიქებში ან ესპრესოს ფინჯნებში.მოაფრქვიეთ დარჩენილი ცედრა, შემდეგ 4 საათით ან მთელი ღამით დატოვეთ მაცივარში.
- სუფრაზე მიტანამდე მორთეთ პიტნის ფოთლებით.
