ეს ტორტი ავსტრიის ქალაქ ლინცში შეიქმნა. მზადდება ფხვიერი, მოხარშული ცომით. მნიშვნელოვანი ინგრედიენტია დაფქული ნუში. გულსართად გარგარის ჯემის გამოყენებაც შეგიძლიათ.
ინგრედიენტები:
- მოხარშული ცომი
- 20 გ ფქვილი
- 100 გ დაფქული ნუში
- 150 გ შაქარი
- 1/2 ჩ.კ. დარიჩინი
- 1/4 ჩ.კ. მიხაკი (დაფქული)
- 150 გ ცივი, მარილიანი კარაქი (კუბებად დაჭრილი)
- 1 ლიმონის ცედრა (გახეხილი)
- 1 კვერცხი
შიგთავსი
- 240 გ ჟოლოს ჯემი
- 1 კვერცხი ( მოსასმელად)
მომზადების წესი:
- მოხარშული ცომი: ფქვილი, ნუშის ფქვილი, შაქარი, დარიჩინი და მიხაკი, კარაქი და ლიმონის ცედრა მიქსერით კარგად აურიეთ. თანდათან დაამატეთ კვერცხი.
- გადმოიტანეთ მაგიდაზე და მოზილეთ. გაყავით ორ თანაბარ ნაწილად. პატარა ცომი პერგამენტში გადაახვიეთ და 30 წუთით მაცივარში გააცივეთ.
- დიდი ნაწილი კი ორ ფენა პერგამენტის ქაღალდს შორის მოათავსეთ და ისე გააბრტყელეთ.
- მერე ქაღალდი მოაშორეთ და ცომი საცხობ ფორმაში ჩააფინეთ.
- ფორმაში ჩაფენილ ცომს კიდეები ლამაზად დაუკბილეთ, დაახლოებით 2 სმ -ის დაშორებით.
- გადანახული ცომი მართკუთხედის ფორმაზე გააბრტყელეთ (25X20 სმ) და ფიგურული დანით 1,5 სმ სიგანის ზოლებად დაჭერით. ეს ზოლები პერგამენტის ქაღალდიან თუნუქის ფურცელზე გადაასრიალეთ.
- 30 წუთით მაცივარში გააცივეთ ცომიც და ზოლებიც.
- ღუმელი 180 გრადუსზე გაახურეთ.
- შიგთავსი. ჟოლოს ჯემი ცომის ძირზე გადაანაწილეთ.
- გამოჭრილი ზოლები კი თანაბარი დაშორებებით შიგთავსზე დაალაგეთ (დაწანით). ზოლებს გათქვეფილი კვერცხი გადაუსვით.
- შედგით ღუმელში 35-40 წუთით.
- 15 წუთით ფორმაშივე დატოვეთ და შემდეგ ცხაურზე გადმოიტანეთ. ოთახის ტემპერატურაზე ბოლომდე გააგრილეთ.
- დაჭერით და მიირთვით.
ულუფა: 8-10
მომზადება: 30 წუთი + 1 საათი გასაცივებლად
ცხობა: 35-40 წუთი
