დღეს მინდა შემოგთავაზოთ ერთ-ერთი უგემრიელესი რეცეპტი ბებოს რეცეპტების წიგნიდან. ეს იტალიური ტრადიციული დესერტი – Torta della nonna გახლავთ, რომელიც სიტყვასიტყვით ითარგმნება როგორც “ბებოს ტორტი”. მოდით შევუდგეთ ამ საუცხოო დესერტის მომზადებას.
ინგრედიენტები:
მოხარშული კრემი
- 5 კვერცხის გული
- 1 ჭიქა (200 გ) შაქარი
- 1/3 ჭიქა (50 გ) ფქვილი
- 2 ჭიქა (500 გ) რძე
- 1/8 ჩ.კ. მარილი
- 1/2 ჩ.კ. ვანილის ექსტრაქტი (ესენცია)
ბაზა
- 2 ჭიქა (300 გ) ფქვილი
- 1 ½ ჩ.კ. გამაფხვიერებელი
- 1/4 ჩ.კ. მარილი
- 2/3 ჭიქა (150 გ) უმარილო კარაქი ( დარბილებული)
- 3/4 ჭიქა (150 გ) შაქარი
- 2 კვერცხი
- 3 ს/კ ნუშის ფანტელი (კანგაცლილი)
- შაქრის პუდრი (მოსაყრელად)
მომზადების წესი:
- მოხარშული კრემი. კვერცხი ცეცხლგამძლე ჯამში ათქვიფეთ გათეთრებამდე და გასქელებამდე, შეურიეთ ფქვილი.
- რძე წამოადუღეთ. ქურიდან გადმოდგით და ცხელი რძის მეოთხედი კვერცხისა და ფქვილის ნარევში ჩაასხით. ათქვიფეთ. ჩაამატეთ დარჩენილი რძე.
- გადაიტანეთ ქვაბში და ძალიან დაბალ ცეცხლზე დადგით, თან გამუდმებით ურიეთ, სანამ არ გასქელდება.
- გადმოდგით. დაამატეთ ვანილის ექსტრაქტი და ჯამში გადაიტანეთ. გადააფარეთ საკვების შესაფუთი ცელოფანი.
- ბაზა. ღუმელი 180 გრადუსზე გაახურეთ. ტორტის (23 სმ) ან ღვეზელის ღრმა საცხობ ფორმას კარაქი წაუსვით.
- ფქვილი, გამაფხვიერებელი და მარილი ერთად გაცერით.
- კარაქი და შაქარი ჯამში გათეთრებამდე და გასქელებამდე ათქვიფეთ. სათითაოდ დაამატეთ კვერცხები და კარგად ათქვიფეთ. სათითაოდ დაამატეთ კვერცხები და კარგად ათქვიფეთ. თანდათან შეურიეთ ფქვილიან ნარევს.
- ცომი ორ ნაწილად გაყავით, ერთი მეორეზე ცოტა დიდი უნდა იყოს. მაგიდაზე ფქვილი მოაყარეთ და ცომის ორივე გუნდა გააბრტყელეთ – ერთი – საცხობი ქვაბის ძირზე ცოტა დიდი, ხოლო მეორე ზემოდან გადასაფარებლად რომ გამოდგეს.
- წინასწარ გამზადებულ ფორმაში ჩააფინეთ გაბრტყელებული ცომი და შიგთავსი კრემით ამოავსეთ, ეცადეთ, ცენტრისკენ ცოტა ამაღლებული იყოს. პატარა ცომი ზემოდან დააფარეთ და გვერდები ხელით შემოუკეცეთ ფრთხილად და ლამაზად (კარგად უნდა შეიკრას).
- აცხვეთ დაახლოებით 40 წუთის განმავლობაში. როდესაც მუქი ოქროსფერი გახდება, მზად არის.
- ფორმაშივე გააგრილეთ.
- მოაყარეთ ჯერ ნუში, შემდეგ კი შაქრის პუდრი. დაჭერით და მიირთვით.
