ამ რეცეპტის გამოყენებით აღარ მოგიწევთ თავის მტვრევა, რა მოამზადოთ ვახშამზე დღეს. მარტივი და სწრაფი კერძი ნამდვილად მოგეწონებათ. სულთან–ქებაბი ქათმით სწრაფად მზადდება, რადგან მისი საფუძველი ნაყიდი ცომი ან ლავაშია.
მთავარია, ხორცი და ბოსტნეული ტაფაზე მსუბუქად შეწვათ. დანარჩენი უკვე ღუმელში კეთდება. აღსანიშნავია, რომ შიგთავსისთვის როგორც ახალი, ასევე გაყინული ბოსტნეული შეგიძლიათ გამოიყენოთ. მეორე ვარიანტით დიდ დროს დაზოგავთ.
როგორ მოვამზადოთ სულთან–ქებაბი ქათმით
თუ ამ კერძში ბადრიჯანს იყენებთ, გახსოვდეთ, რომ მას სწორად მომზადება სჭირდება. ბოსტნეული შეიძლება მწარე იყოს, ამიტომ დაჭერით, მარილი მოაყარეთ და მინიმუმ 15-20 წუთით გააჩერეთ. მწარე წვენის გამოსვლის შემდეგ შეგიძლიათ მომზადების ძირითად ეტაპზე გადახვიდეთ.
ინგრედიენტები:
- 2 ქათმის ფილე
- 2 სტაფილო
- 1 ხახვი
- 0,25 ჩ/კ თავშავა
- მარილი გემოვნებით
- მზესუმზირის ზეთი გემოვნებით
- 2 ს/კ ხორბლის ფქვილი
- 0,5 ჭიქა ცერცველა
- 1 ბადრიჯანი
- 0,25 ჩ/კ ბეგქონდარა
- 0,5 ჩ/კ პაპრიკა
- 500 გ ცომი ფოლო
- 60 გ კარაქი
- 500 მლ რძე
მომზადების წესი:
1. ბადრიჯანი კარგად გარეცხეთ. პატარა კუბებად დაჭერით. ცოტა მარილი მოაყარეთ და 15 წუთით გააჩერეთ. შემდეგ გაწურეთ. ბადრიჯანი ცხელ ტაფაზე ზეთში 5-6 წუთით შეწვით. ბოსტნეული ტაფიდან აიღეთ.
2. ქათმის ფილე პატარა ნაჭრებად დაჭერით. ბოსტნეული გათალეთ. ხახვი წვრილად დაჭერით, სტაფილო – პატარა კუბებად. ბოსტნეული ტაფაზე ზეთში 2-3 წუთით შეწვით. ხორცი და ცერცველა დაუმატეთ.
3. მარილი, თავშავა, ბეგქონდარა და პაპრიკა მოაყარეთ. კარგად აურიეთ. თავსახური დაახურეთ და სუსტ ცეცხლზე 10 წუთით ჩაშუშეთ. შემდეგ ქურიდან გადმოდგით. ბადრიჯანი დანარჩენ ინგრედიენტებს დაუმატეთ და კარგად აურიეთ.
4. ღრმა თასში ფილოს ცომის ორი ფენა ჩააფინეთ ისე, რომ კიდეები თასზე გადმოეკიდოს. ცენტრში შიგთავსი მოათავსეთ. ცომი ფრთხილად შეკარით. ასე რამდენიმე ნამზადი გააკეთეთ.
5. საცხობ ფორმას ზეთი წაუსვით. მასზე ცომი შიგთავსით გადაიტანეთ.
6. სქელძირიან ღრმა ტაფაში კარაქი გაადნეთ. ხორბლის ფქვილი დაუმატეთ და ოქროსფერ შეფერილობამდე შეწვით, პერიოდულად აურიეთ. ცივი რძე დაუმატეთ და ადუღებამდე მიიყვანეთ. მუდმივად აურიეთ. გასქელებამდე ხარშეთ.
7. მზა სოუსი სულთან–ქებაბს მოასხით და 185 გრადუსამდე გახურებულ ღუმელში 35-40 წუთით აცხვეთ.
8. ყველი გახეხეთ. კერძს მოაყარეთ და კიდევ 10 წუთით აცხვეთ.
სულთან–ქებაბი უფრო გემრიელი და ლამაზი რომ გამოვიდეს, დაჭრილი ოხრახუში მოაყარეთ. მწვანილის არომატი, წელვადი ყველი, ნაზი ცომი და წვნიანი შიგთავსი საოცარ შედეგს იძლევა. გემრიელად მიირთვით!
