სტუმრების გასაოცებლად ძვირადღირებულ საკონდიტროში დესერტის შეკვეთა აუცილებელი არაა. მდიდრული დესერტი თავად შეგიძლიათ გამოაცხოთ. მორთული ნამცხვრის „დილის ნამის“ რეცეპტი ამაში დაგეხმარებათ.
ასეთი ნამცხვარი ძალიან ეფექტურად გამოიყურება. ყველაფერი ორი სახის ცომის და ხაჭო–ქოქოსის ბურთულების კომბინაციით, რომლის სწრაფად დაგემოვნებას ისურვებთ. ბოლო შტრიხი ნაზი კრემია. შოკოლადის ბისკვიტთან კონტრასტს ქმნის და ნამცხვარს ორიგინალურს, ხოლო გემოს უკეთესს ხდის.
როგორ გამოვაცხოთ ნამცხვარი „დილის ნამი“
დესერტის მომზადებაში მნიშვნელოვანი ეტაპი ხაჭოს ბურთულების გაკეთებაა. აუცილებელი ტექსტურა რომ მიიღოთ, რძემჟავა პროდუქტი ერთგვაროვანი მასის მიღებამდე კარგად დააბლენდერეთ. მზა ბურთულები 30 წუთით საყინულეში შეინახეთ. სხვა შემთხვევაში ცომზე დადება გაგიჭირდებათ.
ინგრედიენტები:
- 200 გ კარაქი
- 5 კვერცხი
- 450 მლ რძე
- 10 გ გამაფხვიერებელი
- 2 ს/კ კაკაოს ფხვნილი
- 5 ს/კ კაკაოს ფანტელები
- 375 გ შაქარი
- 150 გ არაჟანი
- 360 გ ხორბლის ფქვილი
- მწიკვი ვანილი
- 200 გ ხაჭო
მომზადების წესი:
1. ხაჭო, 75 გ შაქარი და ქოქოსის ფანტელები აურიეთ. 1 კვერცხის გული და ცილა დააცალკევეთ. ხაჭოს მასას კვერცხის გული დაუმატეთ. ერთგვაროვანი მასის მიღებამდე აურიეთ. თანაბარი ზომის ბურთულები გააკეთეთ და ნახევარი საათით საყინულეში შეინახეთ.
2. რბილი კარაქი 150 გ შაქართან ერთად ათქვიფეთ. 3 კვერცხი და 1 კვერცხის ცილა დაუმატეთ. კარგად ათქვიფეთ. არაჟანი და 50 მლ რძე დაუმატეთ. 300 გ ხორბლის ფქვილი და გამაფხვიერებელი დაუმატეთ. კარგად აურიეთ.
3. საცხობ ფორმას ზეთი წაუსვით. ცომის ნახევარი ჩაასხით და გაათანაბრეთ.
4. დარჩენილ ცომს კაკაო დაუმატეთ. კარგად აურიეთ და ღია ფერის ცომს ზემოდან დაასხით.
5. ხაჭოს ბურთულები საყინულიდან გამოიღეთ და კაკაოს ცომში ჩადეთ.180 გრადუსამდე გახურებულ ღუმელში 40-45 წუთით აცხვეთ.
6. კრემი მოამზადეთ. კვერცხი, 150 გ შაქარი და ვანილი ათქვიფეთ. 60 გ ხორბლის ფქვილი დაუმატეთ. 400 მლ რძე ჩაასხით. მიღებული ნარევი ცეცხლზე დადგით. სუსტ ცეცხლზე გასქელებამდე გააჩერეთ, მუდმივად აურიეთ.
7. ცივ ნამცხვარს მზა კრემი წაუსვით, თანაბრად გაანაწილეთ.
დესერტს კაკაო მოაყარეთ და მაცივარში 1 საათით შეინახეთ. ამის შემდეგ სუფრაზე გაიტანეთ და სტუმრების თვალწინ გაჭერით. სასიამოვნოდ გაოცებული დარჩებიან. გაჭრილი „დილის ნამი“ საოცრად გამოიყურება!
