როგორც კი, ჩემი შვილი ბაზარზე ახალი ხილის მოსავალს ხედავს, მაშინვე ატმის პეროგის გაკეთებას მთხოვს. უარს არასდროს ვეუბნები, რადგან ფერადი და არომატული ცომეულის მომზადებაზე მხოლოდ 20 წუთს ვხარჯავ. გარდა ამისა, ღუმელის ჩართვაც არ მიწევს.
ჩასასხმელი პეროგი საქმიანი დიასახლისებისგან განსაკუთრებულ პატივისცემას იმსახურებს. არაფერია იმაზე ადვილი, ვიდრე მარტივი ინგრედიენტების შერევა, ნებისმიერი შიგთავსის (ტკბილი ან მარილიანი) არჩევა და საცხობ ფორმაში ან ტაფაზე ჩასხმა.
როგორ მოვამზადოთ ჩასასხმელი ატმის პეროგი ტაფაზე
ახალი ატმით მარტივი პეროგის მომზადების ტექნოლოგია დაიმახსოვრეთ. ცომი სხვა შიგთავსისთვისაც გამოგადგებათ. მაგალითად, ვაშლი და კაკალი ან დარიჩინი შეგიძლიათ შეურიოთ.
ინგრედიენტები:
- 250 გ ატამი
- 70 გ შაქარი
- 8 გ ვანილი
- 100 მლ რძე
- 8 გ გამაფხვიერებელი
- 50 გ კარაქი
- 1 კვერცხი
- 50 მლ ზეითუნის ზეთი
- 160 გ ხორბლის ფქვილი
მომზადების წესი:
1. ატამი შუაზე გაჭერით და კურკები მოაშორეთ.
2. კარაქი ტაფაზე გააცხელეთ, 1 ს/კ შაქარი დაუმატეთ და კარამელი გააკეთეთ. ატამი ერთ ფენად გაჭრილი მხრიდან ქვემოთ დააწყვეთ. ხილი საშუალო ცეცხლზე 5 წუთით მოამზადეთ.
3. კვერცხი, დარჩენილი შაქარი და ვანილი აურიეთ. ზეითუნის ზეთი დაუმატეთ და აურიეთ.
4. რძე დაუმატეთ და აურიეთ. ფქვილი და გამაფხვიერებელი გაცერით და თხევად ცომს დაუმატეთ.
5. ცომი ატამს დაასხით. თანაბრად გაანაწილეთ. ტაფას თავსახური დაახურეთ და სუსტ ცეცხლზე 15 წუთით აცხვეთ.
6. პეროგი ფრთხილად გადაატრიალეთ და კიდევ 5 წუთით თავდახურულ ტაფაზე აცხვეთ.
როგორც კი, ცომს ტაფაზე დაასხამთ, ჩაიდანი შეგიძლიათ დაადგათ. რძიანი პეროგი ატმით დიდხანს არ დააყოვნებს. ცომეული ფაფუკი, არომატული და კაშკაშა გამოვა. თუ ატამს ზამთრისთვის გაყინავთ, შეძლებთ ახლობლები საზაფხულო ვიტამინებით ცივ სეზონზე გაახაროთ.
