ნებისმიერ ქვეყანაში, თუნდაც შორეულში შესაძლებელია აღმოაჩინო საყვარელი გემო, რომელიც ბავშვობას მოგაგონებს. მაგალითად, ჩვენთვის საყვარელ შესქელებულ რძეს ლათინურ ამერიკაში ნაღების კარამელს -“დულსე დე ლეჩე” უწოდებენ. სწორედ ეს ინგრედიენტია არგენტინული ცნობილი ნამცხვრის “ალფახორესის” განუყოფელი ნაწილი.
ნამცხვარი “ალფახორესი” – 2 მინიატურული ფენაა ნაღების შიგთავსით, რომელსაც ქოქოსის ფანტელში ავლებენ. ჩვენ მოვამზადეთ ტრადიციული არგენტინული ტკბილეულობის კლასიკური რეცეპტი.
ინგრედიენტები
- 200 გრ ფქვილი
- 200 მლ შესქელებული რძე
- 40 გრ ნიგოზი
- 100 გრ კარაქი
- 80 გრ სახამებელი
- 70 გრ შაქარი
- 2 კვერცხი
- 8 გრ ვანილის შაქარი
- 1 ჩ.კ. გამაფხვიერებელი
- 40 გრ ქოქოსის ფანტელი
- შაქრის პუდრი გემოვნებით
- მარილი გემოვნებით
მომზადება
- დაარბილეთ კარაქი ოთახის ტემპერატურის პირობებში. ათქვიფეთ 1 მთლიანი კვერცხი და 1 კვერცხის გული.
- შეურიეთ ფქვილი, სახამებელი და გამაფხვიერებელი.
- ათქვიფეთ კარაქი ვანილის შაქართან, დაამატეთ კვერცხი, დაუმატეთ ფქვილის მასას და მოზილეთ ცომი.
- შეახვიეთ საკვების ცელოფანში, შედგით მაცივარში 1 საათით. შემდეგ გააბრტყელეთ ცომი და ჭიქის მეშვეობით ამოჭერით წრეები. დააფინეთ საცხობ ფორმას პერგამენტი, შედგით 180 გრადუსამდე გახურებულ ღუმელში 15 წუთით.
- მოხალეთ ნიგოზი და დაჭერით.
- შეაწებეთ ნამცხვრები შესქელებული რძის მეშვეობით. ამოავლეთ ნიგოზში და ქოქოსის ფანტელებში. გემრიელად მიირთვით!
ასევე, შეგიძლიათ ნამცხვარი ამოავლოთ შოკოლადში. სცადეთ ამ შესანიშნავი ნამცხვრის მომზადება და ასიამოვნეთ ოჯახის წევრებს. გაუზიარეთ რეცეპტი მეგობრებს!
