Gastronomia.ge-ს რედაქცია გთავაზობთ ფხვიერ ხაჭოს ნამცხვარს, რომელიც ძალიან მარტივად მზადდება. მას ნაზი და არომატული გემო აქვს, ქერქი მოწითალო და ხრაშუნა. ფხვიერი ცომი წვნიან ხაჭოს შიგთავსს წარმატებულად ავსებს.
მარტივი დესერტი შეგიძლიათ ყოველდღე მოამზადოთ. ინგრედიენტებსაც უპრობლემოდ შეიძენთ.
ცომის ინგრედიენტები:
- 0,4 კგ ხორბლის ფქვილი
- 150 გრ შაქარი
- 10 გრ გამაფხვიერებელი
- 50 გრ 20 %–იანი არაჟანი
- 2 კვერცხი
- 150 გრ კარაქი (ან მარგარინი)
შიგთავსის ინგრედიენტები:
- 400 გრ ხაჭო
- 1 პაკეტი (ან 10 გრ) ვანილის შაქარი
- 0,13 კგ შაქარი
- 1 კვერცხი
- 80 გრ ცხიმიანი, სქელი არაჟანი
- 70 გრ ქიშმიში
მომზადების წესი:
- ცომით დაიწყეთ. ღრმა თასში ფქვილი და გამაფხვიერებელი გაცერით. შაქარი დაუმატეთ და აურიეთ. მშრალ ნარევს ცივი კარაქის ნაჭრები (მაცივრიდან და არა საყინულიდან გამოტანილი) დაუმატეთ. მთელი ნარევი თითებით აურიეთ, რომ ნაფშვენი მიიღოთ.
- არაჟანი და 2 კვერცხი დაუმატეთ. ცომი მოზილეთ. დიდხანს არ აურიოთ. ერთ გუნდად შეკარით. მზა ცომი ხელს არ უნდა ეკვროდეს, არამედ რბილი და მოქნილი.
- ცომი ორ თანაბარ ნაწილად გაყავით. ორივე პარკში გაახვიეთ და საყინულეში 20 წუთით შეინახეთ.
- შიგთავსის მომზადება დაიწყეთ. ქიშმიში გარეცხეთ, თასში გადაიტანეთ, ცხელი წყალი დაასხით და 15 წუთით გააჩერეთ.
- ხაჭო დიდ თასში გადაიტანეთ, შაქარი და ვანილის შაქარი, კვერცხი და არაჟანი დაუმატეთ. ხელის ბლენდერით დააქუცმაცეთ. ერთგვაროვანი მასა უნდა მიიღოთ.
- ქიშმიში საცერზე გადაიტანეთ, წყალი დაასხით და ქაღალდის სალფეთქით გაამშრალეთ. ხაჭოს მასაში გადაიტანეთ. ნიჩბით ან კოვზით აურიეთ.
- საცხობ ფორმას კარაქი წაუსვით. მაგალითად, 30×20 სმ, სიმაღლე – 5 სმ.
- ცომის პირველი ნაწილი საყინულიდან გამოიტანეთ, მსხვილი დანით გახეხეთ და ფორმის ძირში მოათავსეთ. ჩატკეპნა საჭირო არაა. შიგთავსი ცომს დაადეთ და ნიჩბით გაათანაბრეთ.
- ცომის მეორე ნაწილი საყინულიდან გამოიღეთ და მსხვილად დაახეხეთ – ზემოდან იმწამსვე შიგთავსი დაუმატეთ. ეცადეთ, რომ თანაბრად მოაყაროთ.
- 180 გრადუსამდე გახურებულ ღუმელში 20-30 წუთით აცხვეთ. როგორც კი, ნამცხვარი შეწითლდება, ხის ჩხირით მზაობა შეამოწმეთ.
- ნამცხვარი ფორმიდან ამოიღეთ, გააგრილეთ და ნაჭრებად დაჭერით.
- ლამაზ თეფშზე გადაიტანეთ და შაქრის ფხვნილი მოაყარეთ. გემრიელად მიირთვით!
