ტორტი „ჩიტის რძე“ ამ რეცეპტით ძალიან ნაზი და გემოთი გაჯერებული გამოდის. კრემი შეუდარებელია.
რეცეპტი მარტივია და თამამად შეგიძლიათ სცადოთ. შესანიშნავად გამოგივათ.
კრემის ინგრედიენტები:
- 4 ს/კ მანანის ბურღული
- 300 გრ რძე
- 180 გრ კარაქი
- ½ ლიმონი
- 100 გრ შაქრის ფხვნილი
- 200 გრ შესქელებული რძე
- მწიკვი მარილი
ბისკვიტის ინგრედიენტები:
- 3 ს/კ კაკაო
- 200 გრ ორცხობილა
- 50 გრ კარაქი
- 100 გრ შაქარი
- 100 გრ რძე
მოსასხამად:
- 50 გრ რძე
- 100 გრ შოკოლადი
- 50 გრ კარაქი
ჩიტის რძის მომზადების მეთოდი:
- კრემის მომზადებით დაიწყეთ. ამისთვის საშუალო ცეცხლზე რძე გააცხელეთ და მწიკვი მარილი დაუმატეთ.
- რძეს მანანის მცირე პორციები დაუმატეთ და მუდმივად აურიეთ, რომ გოროხები არ წარმოიშვას.
- როგორც კი რძე ადუღდება, ცეცხლიდან გადმოდგით. მანანის ბურღული მზადაა.
- შემდეგ ნახევარი ლიმონის ცედრა გახეხეთ და მისგან წვენი გაწურეთ.
- მანანის ფაფას ლიმონის წვენი და ცედრა დაუმატეთ. ყველაფერი კარგად აურიეთ.
- ღრმა თასში დარბილებული კარაქი მოათავსეთ, შაქრის ფხვნილი დაუმატეთ და ერთგვაროვან მასის მიღებამდე ათქვიფეთ.
- კარაქის ნარევს პორციებად მანანის ფაფა დაუმატეთ და ერთგვაროვანი მასის მიღებამდე ათქვიფეთ.
- შემდეგ, კრემს შესქელებული რძე (შესქელებული რძე ცივი, მაცივრიდან გამოღებული უნდა იყოს) დაუმატეთ და ათქვიფეთ.
- კრემი მზადაა. ძალიან სქელი კრემი გამოგივათ. კრემს პარკი გადააფარეთ, რომ ქერქი არ წარმოიქმნას და მაცივარში შეინახეთ.
- ახლა ბისკვიტი მოამზადეთ. ამისთვის 50 გრ რძეს კაკაო და შაქარი დაუმატეთ, აურიეთ და ცეცხლზე დადგით.
- საშუალო ცეცხლზე კაკაო გაადნეთ, რძე და კარაქი დაუმატეთ. კარაქის გადნობამდე აურიეთ.
- ამის შემდეგ დაქუცმაცებული ორცხობილა თასში ჩაყარეთ. ზემოდან კაკაო-რძის ნარევი დაასხით და კარგად აურიეთ.
- ტორტი ააწყვეთ. თეფშზე უძირო საცხობი რგოლი დადეთ. რგოლის შიგნითა გვერდებს ცხიმს წაუსვით დას საკვები ცელოფანი გადააკარით.
- პირველი ფენა ორცხობილას ნაფშვენი, მთელ ზედაპირზე გადაანაწილეთ და ჩატუმბეთ.
- ზემოდან, მეორე ფენად კრემი წაუსვით. მთელ ფორმაში თანაბრად გადაანაწილეთ.
- ტორტი 30 წუთით მაცივარში შედგით.
- მოსასხამი მოამზადეთ. რძეს კარაქი და შოკოლადი დაუმატეთ.
- საშუალო ცეცხლზე დადგით და შოკოლადის გადნობამდე აურიეთ.
- ტორტი მაცივრიდან გამოიღეთ და შოკოლადის მოსასხამი დაასხით. კვლავ მაცივარში 5 საათით გააჩერეთ (მე მთელი ღამე გავაჩერე).
- ამის შემდეგ მაცივრიდან გამოიღეთ, საცხობი რგოლი და ცელოფანი მოაშორეთ.
- ტორტი მზადაა! გემრიელად მიირთვით!
