თუკი ჯერ არ გიპოვნიათ ბორშჩის იდეალური რეცეპტი, ჩაინიშნეთ ეს – უგემრიელესი გამოდის!
ინგრედიენტები:
- ძროხის ხორცი – 1 კილოგრამი
- ჭარხალი – 4 ძირი
- ხახვი – 1-2 თავი
- დაჭრილი მწვანილი – 1 ჩაის ჭიქა
- დაფნის ფოთოლი – 3-4 ცალი
- პურის ფქვილი – 2 სუფრის კოვზი
- ძროხის გადამდნარი ქონი – 1 სუფრის კოვზი
- არაჟანი ან მაწონი – 3/4 ჩაის ჭიქა
- წითელი, შავი პილპილი და მარილი – გემოვნებით
მომზადების წესი:
- ძროხის ხორცსიგან გავაკეთოთ ბულიონი ჩვეულებრივი წესით.
- ბულიონში ჩავუმატოთ წითელი და შავი პილპილი, დაფნის ფოთოლი, წვრილად დაჭრილი ჭარხალი და ხახვი.
- თუ გვინდა ბორშჩი წითელი ფერის იყოს, ჭარხლის ჩაყრისთანავე ჩავაყოლოთ ტყემლის ტყლაპი, ძმარი ან სხვა რაიმე სიმჟავე.
- გადამდნარ ძროხის ქონში მოვშუშოთ 2 სუფრის კოვზი ფქვილი, დავასხათ ბულიონი, კარგად გავხსნათ და ჩავასხათ ბორშჩში.
- ცოტა ხანს კიდევ ვადუღოთ, შემდეგ მოვასხათ არაჟანი ან მაწონი, მოვაყაროთ წვრილად დაჭრილი მწვანილი და მივიტანოთ სუფრაზე.
