ხაჭოს ორცხობილა ქოქოსის ფანტელებით შეუძლებელია უგემური გამოვიდეს. ასეთ ცომეული ყოველთვის იდეალურია, გაფუჭება შეუძლებელია. შეგიძლიათ გაამრავალფეროვნოთ. მაგალითად, ხაჭო–ქოქოსის ორცხობილას ხმელი შტოში, ქიშმიში და ფინიკი დაუმატეთ.
პირადად კლასიკური ვარიანტი მომწონს, რომ უწონო სტრუქტურა შენარჩუნდეს და ქოქოსის გემო არ დაიკარგოს. ყურადღება მიაქციეთ, რომ ინგრედიენტების მოცემული რაოდენობით 12 ცალი ორცხობილა გამოვა. თუ ოჯახში ტკბილეულის მოყვარული გყავთ, რაოდენობა გააორმაგეთ ან გაასამმაგეთ. ნამდვილად არ შეცდებით.
რა არის განსაკუთრებული ხაჭო–ქოქოსის ორცხობილაში
წარმოუდგენლად მსუბუქი, არომატული და იაფია. ასეთ ნატურალურ გემრიელობას მაღაზიებსა და კაფეებში ვერ იპოვით. ხაჭო–ქოქოსის ორცხობილა ხელმისაწვდომი პროდუქტებით მარტივად მზადდება. ქოქოსის და ხაჭოს იდეალური კომბინაცია ძალიან დახვეწილს ხდის, შიგნით რბილი და გარედან ხრაშუნაა.
ინგრედიენტები:
- 1 კვერცხი
- 200 გ ხაჭო
- 3 ს/კ ხორბლის ფქვილი
- 30 გ კარაქი
- 2 ს/კ შაქარი
- 200 გ ქოქოსის ფანტელები
- 0,5 ჩ/კ სოდა
მომზადების წესი:
1. კვერცხი ღრმა თასში ათქვიფეთ. შაქარი დაუმატეთ და ერთგვაროვანი მასის მიღებამდე ათქვიფეთ.
2. ცალკე ხორბლის ფქვილი და სოდა გაცერით.
3. ათქვეფილი კვერცხის მასას ხაჭო დაუმატეთ და ჩანგლით აურიეთ.
4. ქოქოსის ფანტელები, გამდნარი კარაქი დაუმატეთ და აურიეთ.
5. ცომს ჯერ კოვზით, შემდეგ ხელით აურიეთ. რბილი, ოდნავ წებოვანი, ამასთან მკვრივი უნდა გამოვიდეს. ფქვილი შეიძლება მეტი დაგჭირდეთ, ეს ხაჭოს სისველეზე და კვერცხის ზომაზე დამოკიდებულია.
6. საცხობ ფორმას პერგამენტი დააფინეთ. ქაღალდს ცოტა მცენარეული ზეთი წაუსვით.
7. ზეთი ხელებზეც წაისვით. ცომიდან ბურთები გააკეთეთ. საცხობ ფორმაზე ერთმანეთისგან მოშორებით დააწყვეთ. სველი კოვზით ზემოდან მსუბუქად დააწექით.
8. ღუმელი 180 გრადუსამდე გააცხელეთ და ხაჭო–ქოქოსის ორცხობილა 20-25 წუთით შეწითლებამდე აცხვეთ.
9. ორცხობილა გააგრილეთ, შემდეგ შაქრის ფხვნილი მოაყარეთ.
უჩვეულო ჰაეროვანი და არომატული ორცხობილა მზადაა. ფინჯან ჩაიზე ან კაკაოზე მისაყოლებლად იდეალურია. 1 კვირა შეგიძლიათ შეინახოთ, გემოს არ დაკარგავს და ახალივით იქნება. დიდი ალბათობით, ხაჭო–ქოქოსის დესერტი იმ დღესვე შეიჭმება.
