თუ ბისკვიტის ცხობის სურვილი არ გაქვთ, მაგრამ რაღაც გემრიელი გინდათ, სწრაფი დესერტები დაგეხმარებათ. მათ მომზადებას ღუმელი, მიქსერი და ბევრი დრო არ სჭირდება. ასეთი გემრიელობით ოჯახის წევრები ხშირად შეგიძლიათ გაახაროთ.
გემრიელი ტორტი კრემით და ჭიქურით ამის ნათელი მაგალითია. საკმაოდ მარტივად მზადდება. მთავარია, მაცივარში კარგად გაჟღენთვა აცადოთ. გემრიელი ტკბილეული სწრაფად დაგემოვნების სურვილს ამძაფრებს.
აღსანიშნავია, რომ ნაზი ტორტის მოსამზადებლად არაჟანი უნდა გამოიყენოთ. თუ არ გაქვთ, ნატურალური სქელი იოგურტით ჩაანაცვლეთ. ასეთი ინგრედიენტი ტკბილ კერძსს უფრო გააუმჯობესებს.
ინგრედიენტები:
- 400 გ კაკაოს ორცხობილა
- 3 კვერცხი
- 60 გ ხორბლის ფქვილი
- 160 გ კარაქი
- 750 გ არაჟანი
- 300 გ შაქარი
- 20 გ ვანილი
- 40 გ კაკაოს ფხვნილი
მომზადების წესი:
1. ფქვილი და 200 გ შაქარი ქვაბში აურიეთ. კვერცხი დაუმატეთ და ერთგვაროვანი მასის მიღებამდე აურიეთ.
2. არაჟანი დაუმატეთ და კვლავ სათქვეფით აურიეთ.
3. სუსტ ცეცხლზე ხარშეთ, მორევა არ დაგავიწყდეთ. როცა კრემი გასქელებას დაიწყებს, ცეცხლს დაუწიეთ და მორევა გააგრძელეთ. დუღილის შემდეგ 2 წუთი მოიცადეთ და გაზქურიდან გადმოდგით.
4. ვანილი და 100 გ კარაქი მაშინვე დაუმატეთ და კარგად აურიეთ.
5. შოკოლადის ფხვიერი ორცხობილის მეოთხედი ნაწილი ფორმაში მოათავსეთ. ზემოდან ცხელი კრემის მესამედი დაუმატეთ და გაათანაბრეთ. ასე ტორტი ააწყვეთ.
6. კაკაო და 100 გ შაქარი აურიეთ.
7. 150 გ არაჟანი დაუმატეთ და კარგად აურიეთ. სუსტ ცეცხლზე ხარშეთ, მუდმივად აურიეთ. შაქარი უნდა გაიხსნას. დუღილიდან 30 წუთის შემდეგ გაზქურა გამორთეთ.
8. 60 გ კარაქი დაუმატეთ და კარგად აურიეთ.
9. მაშინვე ჭიქური ტორტს მოასხით. მაცივარში 5 საათით გააჩერეთ.
ტორტის კუთხეები შეგიძლიათ ჩამოაჭრათ და სურვილისამებრ გააფორმოთ: კენკრით ან კაკლით. ასეთი დესერტი ჩაიზე მისაყოლებლად იდეალურია. მენდეთ, დესერტის გასინჯვის შემდეგ, მის ხშირად მომზადებას დაიწყებთ.
