გაგაუზები თურქულენოვანი ხალხია, რომლებიც ძირითადად ცხოვრობენ მოლდოვის რესპუბლიკაში და უკრაინაში, ოდესის სამხრეთ-დასავლეთით. გაგაუზების სამზარეულოს სიმდიდრე დროთა განმავლობაში განვითარდა და თურქულ და ბალკანურ სამზარეულოებთან ბევრი საერთო აქვს.
გაგაუზების კულინარიული რეცეპტები, განსაკუთრებით კი ცომეული, ორიგინალური ინგრედიენტებით გამოირჩევა.
ჩვენი რედაქცია მკითხველებს სთავაზობს რბილი და ძალიან მადისაღმძვრელი გაგაუზური ღვეზელების რეცეპტს საფუარიანი ცომით. მის შიგთავსად ნებისმიერი რამის გამოყენება შეიძლება, მაგრამ ჩვენ თეთრი კომბოსტო ვარჩიეთ.
გემრიელი ღვეზელები კომბოსტოს შიგთავსით
ინგრედიენტები ცომისთვის
- 450 გრ ფქვილი
- 260 მლ წყალი
- 7 გრ მშრალი საფუარი
- 1/2 ჩ.კ. მარილი
- მცენარეული ზეთი შესაწვავად
ინგრედიენტები შიგთავსისთვის
- 1 კგ კომბოსტო
- 1 ც ხახვი
- 1/4 ჩ.კ. ხმელი პიტნა
- 1/2 ჩ.კ. დაფქული წითელი პილპილი
- მარილი და დაფქული შავი პილპილი გემოვნებით
- 1 კონა ოხრახუში ან კამა
- 5 ს.კ. მცენარეული ზეთი
მომზადების წესი
1. შეურიეთ ერთმანეთს გაცრილი ფქვილი, მარილი და მშრალი საფუარი.
2. თანდათან დაუმატეთ წყალი და მოზილეთ რბილი ცომი.
3. თასს წაუსვით ზეთი და ცომი მასში მოათავსეთ, გადააფარეთ ხელსახოცი და ცოტა ხნით გააჩერეთ, რომ აფუვდეს.
4. ამ დროის განმავლობაში წვრილად დაჭერით ხახვი და კომბოსტო.
5. საშუალო ცეცხლზე მცენარეულ ზეთში შეწვით ხახვი.
6. დაუმატეთ დაჭრილი კომბოსტო და შეწვით მაღალ ცეცხლზე. მუდმივად მოურიეთ.
7. დაუმატეთ დაფქული წითელი პილპილი, ხმელი პიტნა და მოურიეთ.
8. დაახურეთ ტაფას თავსახური და მოთუშეთ.
9. ბოლოს დაუმატეთ წვრილად დაჭრილი მწვანილი, მოურიეთ და გამორთეთ ცეცხლი.
10. მაგიდაზე ფქვილი მოაბნიეთ, გაიყვანეთ მასზე ცომი და დაჭერით პატარა ზომის ნაჭრებად.
11. ცომის ნაჭრები გაიყვანეთ მრგვალ ბრტყელ ფენად და თითოეულ ფენაზე კოვზით შიგთავსი მოათავსეთ.
12. შეაწებეთ ცომის ბოლოები და მიეცით ღვეზელების ფორმა.
13. ცხელ ზეთში ორივე მხარეს შეწვით ღვეზელები.
14. შემწვარი ღვეზელები გადაიტანეთ ქაღალდის ხელსახოცზე.
გემრიელად მიირთვით!
