წლებია 2 შეფუთვა კარაქს ერთდროულად ვყიდულობ. ერთს ფაფებსა და ბუტერბროდებში ვიყენებ, მეორეს ფხვიერი ორცხობილის გამოსაცხობად. ასეთ დესერტზე ჩემი ოჯახი გიჯდება. საღამოს გემრიელი ორცხობილით ჩაიზე ან კაკაოზე მისაყოლებლად სასურველია.
მარტივი რეცეპტით მომზადებული ორცხობილა გულგრილს არავის დატოვებს. თითქოს პირში დნება და სასიამოვნო გემოს ტოვებს. ამ ცომის ნაწარმს ნებისმიერი შიგთავსი შეგიძლიათ დაუმატოთ, მაგრამ ოჯახის წრეში ჩაის წვეულებაზე შინ მომზადებული ჯემი იდეალურია.
როგორ მოვამზადოთ ფხვიერი ორცხობილა ჯემით
ეს შესანიშნავი ცომეული მაღაზიაში ნაყიდთან ახლოსაც არაა: უფრო არომატული, ნატურალური და საოცრად გემრიელია. მომზადების ტექნოლოგია მარტივი და ყველასთვის ხელმისაწვდომია. რჩევა: ცომი ფხვიერი რომ გამოვიდეს, დიდხანს არ მოზილოთ და მაცივარში ნახევარ საათზე მეტხანს არ შეინახოთ.
ინგრედიენტები:
- 410 გ ხორბლის ფქვილი
- 150 გ შაქარი
- ვანილი გემოვნებით
- 1 ჩ/კ გამაფხვიერებელი
- 3 ს/კ ნუშის ფანტელები
- 200 გ კარაქი
- 0,5 ჩ/კ მარილი
- 2 კვერცხი
- კენკრის პიურე გემოვნებით
მომზადების წესი:
1. ოთახის ტემპერატურის კარაქს მარილი, შაქარი და ვანილი დაუმატეთ.
2. ერთგვაროვანი მასის მიღებამდე სპატულით კარგად აურიეთ. შემდეგ 3 წუთით მიქსერით ათქვიფეთ (ფაფუკი მასის მიღებამდე).
3. დაუმატეთ ერთი მთელი კვერცხი და მეორეს ნაწილი (ცოტა კვერცხი წასასმელად გვჭირდება). კვერცხი ოთახის ტემპერატურის უნდა იყოს. მომავალი ცომი მიქსერით ათქვიფეთ, რომ ერთგვაროვანი მასა მიიღოთ.
4. ნაწილ–ნაწილ დაუმატეთ ხორბლის ფქვილი, გამაფხვიერებელი და სწრაფად მოზილეთ ერთგვაროვანი ცომი, რომელიც ხელზე არ გეკვრებათ. ცომი პარკში გაახვიეთ და 30-60 წუთით მაცივარში შეინახეთ.
5. შემდეგ ცომს ფქვილი მოაყარეთ და 3 მმ სისქეზე გააბრტყელეთ. ცომი ორ ნაწილად გაყავით.
6. ერთ ნაწილს სქელი ჯემი წაუსვით, მეორე ფრთხილად გადააფარეთ. შემდეგ კიდეები გაასწორეთ. სასურველ ზომებად დაჭერით.
7. ორცხობილებს დარჩენილი კვერცხი წაუსვით და კაკალი ან ნუშის ფანტელები სურვილისამებრ მოაყარეთ.
8. ორცხობილები პერგამენტდაფარებულ საცხობ ფორმაზე გადაიტანეთ და 180 გრადუსამდე გახურებულ ღუმელში 20 წუთით აცხვეთ.
სუფრაზე გატანამდე შაქრის ფხვნილი მოაყარეთ. სხვადასხვა შიგთავსით ექსპერიმენტები ჩაატარეთ. ჯემის ნაცვლად დარიჩინი და შაქარი ან მოხარშული შესქელებული რძე და კაკალი შეგიძლიათ გამოიყენოთ. დიდებული გამოვა, შემოწმებულია!
