Gastronomia.ge-ს რედაქცია გთავაზობთ ტორტს „მილკა“, ნაზი შოკოლადის დესერტი მთელი ოჯახისთვის.
ბისკვიტის ინგრედიენტები:
- 4 ს/კ ფქვილი
- 4 კვერცხი
- 4 ს/კ შაქარი
- 3 ს/კ კაკაო
- 1 ჩ/კ საცხობი ფხვნილი
- 4 ს/კ ცხელი წყალი
კრემის ინგრედიენტები:
- 670 მლ რძე
- 170 გრ კარაქი (ოთახის ტემპერატურის)
- 2,5 ს/კ შაქარი
- 70 გრ თეთრი შოკოლადი
- 70 გრ კარტოფილის სახამებელი
- 100 გრ შაქრის ფხვნილი
შოკოლადის ჭიქურის ინგრედიენტები:
- 140 გრ რძიანი შოკოლადი (სჯობს ნახევრად რძიანი და ნახევრად შავი იყოს)
- 3 ს/კ რძე
- 2,5 ს/კ შაქარი (სურვილისამებრ)
- 100 გრ კარაქი
მომზადების წესი:
- კვერცხი და შაქარი აქაფებამდე ათქვიფეთ.
- ფქვილი, გამაფხვიერებელი და კაკაო აურიეთ, თანდათან კვერცხს დაუმატეთ.
- ბოლოს წყალი დაუმატეთ და კვლავ აურიეთ.
- ცომი ორ თანაბარ ნაწილად გაყავით და 20 სმ დიამეტრის სახსნელ ფორმაში ჩაასხით. ფორმის ძირში პერგამენტის ქაღალდი დააფინეთ.
- 180 გრადუსამდე გახურებულ ღუმელში დაახლოებით 15 წუთით აცხვეთ.
- მზა ბისკვიტი ფორმაში ზუსტად 10 წუთით გააჩერეთ, შემდეგ დანით ფორმის კუთხეებს მოაშორეთ, ამოიღეთ, პერგამენტის ქაღალდი მოაშორეთ და სრულად გააგრილეთ.
- 100 მლ რძე, შაქარი და სახამებელი აურიეთ.
- დარჩენილი რძე ქვაბში ჩაასხით, დატეხილი თეთრი შოკოლადი დაუმატეთ. ცეცხლზე დადგით და ხშირად აურიეთ.
- ცეცხლს დაუწიეთ, ფქვილის ნარევი დაუმატეთ და მუდმივად აურიეთ.
- შეათბეთ, სანამ მასა არ გასქელდება. გააგრილეთ.
- კარაქი შაქართან ერთად ათქვიფეთ, თანდათან შოკოლადის მასა დაუმატეთ და ერთგვაროვანი კრემის მიღებამდე ათქვიფეთ.
- ჭიქურისთვის ყველა ინგრედიენტი აურიეთ და წყლის ორთქლზე დადგით, კარგად აურიეთ და გაადნეთ. გააგრილეთ ისე, რომ თხევადი დარჩეს.
- ერთი ბისკვიტი კვლავ სახსნელ ფორმაში ჩადეთ და ნახევარი კრემი დაასხით.
- მაცივარში გააგრილეთ, შემდეგ ნახევარი შოკოლადის ჭიქური მოასხით, მეორე ფენა ბისკვიტი დაადეთ, დანარჩენი კრემი დაუმატეთ და დარჩენილი ჭიქური დაუმატეთ (თუ ძალიან ცხელია, წყლის ორთქლზე გაადნეთ).
- ტორტი რამდენიმე სააათით გააგრილეთ.
- ცხელ წყალში დასველებული დანით დაჭერით.
- გემრიელად მიირთვით.
