რეცეპტი ძალიან მარტივია, ხოლო შედეგი საოცრად გემრიელი.
ამ დესერტის მოსამზადებლად დაგვჭირდება თქვენი საყვარელი ორცხობილა.
ინგრედიენტები
- ორცხობილა 450გ
- რძე 520მლ
- კვერცხის გული 1 ცალი
- შაქარი 7 სუფრის კოვზი
- კაკაო 2 სუფრის კოვზი
- კარაქი 50გ
- სახამებელი 2,5 სუფრის კოვზი
- ვანილის ექსტრაქტი 1 ჩაის კოვზი
მომზადება
- კრემისთვის მოვამზადოთ ვანილის პუდინგი. ამისათვის 500მლ რძე გაყავით ორად. ერთი ნაწილი დაბალ ცეცხლზე წამოადუღეთ.
- მეორე ნაწილს დაუმატეთ სახამებელი, 3 სუფრის კოვზი შაქარი, ვანილის ექსტრაქტი და კვერცხის გული. ათქვიფეთ მასა და ჩაასხით ადუღებული რძე. დაელოდეთ მასის გასქელებას. გააგრილეთ პუდინგი.
- გამოსაცხობ ფორმაში ჩააფინეთ ქაღალდი. ფენებად დაალაგეთ ორცხობილა და კრემი. ბოლო ფენა უნდა იყოს ორცხობილა.
- მოვამზადოთ მინანქარი. ამისათვისთ 4 სუფრის კოვზ შაქარს დაუმატეთ კაკაო, 1 სუფრის კოვზი რძე, მოათავსეთ მასა ცეცხლზე. ადუღებისთანავე დაუმატეთ კარაქი.
- კარგად მოურიეთ. მოასხით მინანქარი ტორტს. მოათავსეთ მაცივარში.
გემრიელად მიირთვით!
