ტაფაზე მომზადებული ჯულიენის რეცეპტი ფუნთუშებში – გემრიელი და ორიგინალური კერძი სადღესასწაულო სუფრის დასამშვენებლად

1631

ჯულიენი არის კერძი, რომელიც სოკოებისა და არაჟნის საფუძველზე მზადდება. ჯულიენის მრავალი ვარიანტი არსებობს, რომელთაგან ერთ-ერთს დღევანდელ სტატიაში განვიხილავთ.

ჯულიენი ტაფაზე

ჯულიენის მომზადების ეს მეთოდი მარტივი და მოსახერხებელია, რადგან არ გჭირდებათ სპეციალური ფორმები და განსხვავებული ჭურჭელი.

ტაფაზე შემწვარი საშინაო ჯულიენი შეგიძლიათ მოამზადოთ დღესასწაულებზე, როგორც ორიგინალური და გემრიელი წასახემსი.

ინგრედიენტების მინიმალური რაოდენობის წყალობით, ამ გემრიელობის მომზადება ყოველ დღე შეგიძლიათ. ჯულიენი იდეალურია პიკნიკზე წასაღებად, რადგან მარტივად გააცხელებთ მას.

ტაფაზე მომზადებული ჯულიენი შამპინიონით იდეალურად ერწყმის ახალ, ფუმფულა ფუნთუშებს.

ინგრედიენტები

  • 1 ც ხახვი
  • 60 გრ კარაქი
  • 400 გრ ახალი შამპინიონი
  • 500 გრ ქათმის ფილე
  • 300 გრ მაგარი ყველი
  • 400 გრ არაჟანი
  • 5 ც ფუნთუშა

მომზადების წესი

1. თავდაპირველად მოხარშეთ ქათმის ფილე.

2. სანამ ქათმის ხორცი იხარშება, გაამზადეთ სოკო და ხახვი. წვრილად დაჭერით ხახვი და კარაქში შეწვით, რომ ოქროს ფერი მიიღოს. შემდეგ მას დაჭრილი სოკო დაუმატეთ.

კლასიკურ ჯულიენში სოკო შამპინიონი გამოიყენება, თუმცა, თქვენ შეგიძლიათ გამოიყენოთ ჩვეულებრივი თეთრი სოკოც.

3. მოხარშული ქათმის მკერდი წვრილად დაჭერით და ხახვს და სოკოს დაუმატეთ.

 

4. სულ ბოლოს, პროდუქტს არაჟანი დაუმატეთ, მოაყარეთ მარილი და პილპილი, მოურიეთ. მოთუშეთ, სანამ ჯულიენი მზად იქნება.

5. შემდეგ ჯულიენი ცეცხლიდან გადმოდგით და აცადეთ გაგრილება. ამ დროის განმავლობაში ფუნთუშებს ზედა ნაწილი მოაჭერით და ფრთხილად ამოაცალეთ რბილი ნაწილი.

6. შემდეგ ფუნთუშები ამოავსეთ ქათმისა და სოკოსგან მომზადებული შიგთავსით და ზემოდან გახეხილი ყველი მოაყარეთ. ახლა კი კერძი ღუმელში მოათავსეთ და გამოაცხვეთ მანამ, სანამ ყველი მთლიანად არ გადნება.

მზა ფუნთუშებს შეგიძლიათ ზემოდან თავდაპირველად მოჭრილი ზედა ნაწილი დააფაროთ და მწვანილით გააფორმოთ. გემრიელად მიირთვით!