კრემი შესქელებული რძით და ლიმონით უნივერსალურია. ასეთი კრემი შეგიძლიათ სხვადასხვა დესერტში გამოიყენოთ. ბისკვიტის ფენას წაუსვით. ნამცხვრები კალათებივით გააკეთეთ. შუ შიგთავსით მოამზადეთ. ჩაის ფხვიერი ორცხობილა და კრემი მიაყოლეთ ან უბრალოდ პურს წაუსვით. Gastronomia.ge-ს რედაქცია გირჩევთ, კრემის ასე მომზადება აუცილებლად სცადოთ.
მხოლოდ ორი ინგრედიენტი დაგჭირდებათ: შესქელებული რძე და ლიმონი.
ინგრედიენტები:
- 1 ქილა (380 გრ) შესქელებული რძე
- 1 ლიმონი
მომზადების წესი:
1. პირველ რიგში, 380 გრ შესქელებული რძე თასში გადაიტანეთ.
2. 1 ლიმონი შუაზე გაჭერით.
3. ორივე ნახევარი ლიმონი გაწურეთ და შესქელებულ რძეს დაუმატეთ. საწური გამოიყენეთ, რომ მასაში ზედმეტი არაფერი მოხვდეს.
4. ლიმონის წვენი და შესქელებული რძე 2-3 წუთით ათქვიფეთ. შერევის მომენტში შეიძლება პატარა ჯადოქრობა დაინახოთ. მასა კრემის ტექსტურად გარდაიქმნება, მოცულობაში გაიზრდება და გასქელდება.
5. კრემი 15-20 წუთით მაცივარში შეინახეთ, ასე უფრო გასქელდება.
კრემი მზადაა და შეგიძლიათ გემრიელ დესერტებში გამოიყენოთ.
