ბევრ დესერტს იმდენი დრო სჭირდება, რომ სამუშაო დღეებში მათი მომზადება თითქმის შეუძლებელია. სწორედ ამიტომ, ტკბილეულის მაღაზიაში ყიდვა გვიწევს ან ტკბილეულის გარეშე ჩაის დალევა. ამ სამარხვო ფხვიერმა პეჩენიამ აზრი შემაცვლევინა. ზუსტად 10 წუთს მომზადებაზე ვხარჯავ, შემდეგ ამდენი ხნით ღუმელიდან გამოღებას ველოდები!
ფხვიერი ორცხობილის მოსამზადებლად კვერცხი, რძე, კარაქი, კეფირი ან არაჟანი არ დაგჭირდებათ. ქმარი მეხუმრება, რომ ორცხობილას „არაფრისგან“ ვაკეთებ. ნამდვილად, მცირე ინგრედიენტებით მთელი ლანგარი არომატული ცომეული გამოდის!
როგორ მოვამზადოთ სამარხვო ფხვიერი ორცხობილა 10 წუთში
ამბობენ, რომ ეს ფხვიერი პეჩენია დედოფალ ელისაბედ II-ის საყვარელი დესერტი იყო. საოცარია, რომ სამეფო პირს ასეთი უბრალო ტკბილეული მოსწონდა. გამოდის, აუცილებელი არაა, რომ დესერტი რთული და ჩაფიქრებული იყოს, რომ გემრიელი გამოვიდეს.
ინგრედიენტები:
- 200 გ ხორბლის ფქვილი
- 100 მლ წყალი
- 4 ს/კ შაქარი
- 1 ჩ/კ გამაფხვიერებელი
- 70 გ სახამებელი
- 70 მლ მზესუმზირის ზეთი
- 0,3 ჩ/კ მარილი
მომზადების წესი:
1. ფქვილი, სახამებელი და გამაფხვიერებელი აურიეთ. მარილი და 2 ს/კ შაქარი დაუმატეთ.
2. წყალი და მზესუმზირის ზეთი დაუმატეთ. რბილი ცომი მოზილეთ.
3. ცომი მართკუთხა ფირფიტად გააბრტყელეთ. დარჩენილი შაქარი მოაყარეთ და კვადრატებად დაჭერით.
4. საცხობ ფორმას პერგამენტი დააფარეთ, ცომის კვადრატები გადაიტანეთ და 190 გრადუსამდე გახურებულ ღუმელში 15 წუთით აცხვეთ.
სამარხვო ორცხობილაში შაქრის რაოდენობა თავად დაარეგულირეთ. თუ ტკბილეულის მოყვარული ხართ, მეტი შაქარი დაუმატეთ. გარდა ამისა, უსუნო მზესუმზირის ზეთი გამოიყენეთ, რომ ამ ინგრედიენტმა დესერტის გემოზე გავლენა არ მოახდინოს. ნებისმიერი სახამებელი მოუხდება. გემრიელად მიირთვით!
