თუ თქვენ ძალიან გიყვართ ქათმის ღვეზელები და ხშირად ყიდულობთ მას, უმჯობესია იგი სახლში მოამზადოთ ჯანსაღი პროდუქტებით, მისი მომზადება სწრაფად და მარტივადაა შესაძლებელი.
ქათმის ღვეზელები
ჩვენი რედაქცია გასწავლით, როგორ მზადდება ეს უგემრიელესი ღვეზელები. რეცეპტი იმდენად მარტივია, რომ ღვეზელები აუცილებლად გემრიელი გამოგივათ, თუნდაც მათ პირველად ამზადებდეთ.
ინგრედიენტები
- 400 გრ ქათმის ფილე
- 1 შეკვრა საკონდიტრო ცომი
- 1 ც სტაფილო
- 3 ც ხახვი
- 1 ს.კ. ვაშლის ძმარი
- მარილი და პილპილი გემოვნებით
მომზადების წესი
1. ქათმის ფილე დაჭერით კუბებად.
2. გათლილი სტაფილო და ხახვი დაჭერით მსხვილად.
3. ხახვი, სტაფილო და ქათმის ფილე ხორცის მანქანაში გაატარეთ.
4. ფარშს დაუმატეთ მარილი და პილპილი.
5. მზა ცომი გააბრტყელეთ გრძელი მართკუთხა ფორმის ფირფიტად. შემდეგ კი დაჭერით კვადრატებად. 1 შეკვრა მზა ცომისგან 16ც კვადრატი გამოდის.
6. ხორცის შიგთავსი მოათავსეთ მზა ცომზე და მიეცით ცომს კონვერტის ფორმა.
7. გააცხელეთ ღუმელი 200 გრადუსამდე. საცხობ ლანგარზე დააფინეთ საცხობი ქაღალდი და მოათავსეთ მასზე ღვეზელები.
8. ქათმის ღვეზელები აცხვეთ 30 წუთის განმავლობაში.
ქათმის ღვეზელები წვნიანი და ხრაშუნა გამოდის. აუცილებლად მიირთვით ცხელ მდგომარეობაში, სასურველ სოუსთან ერთად.
გაუზიარეთ რეცეპტი მეგობრებს სოციალურ ქსელებში!
