ვაღიარებ… ძალიან მიყვარს არა, უბრალოდ ვგიჟდები აღმოსავლურ ტკბილეულზე. მის გარეშე სიცოცხლე ვერ წარმომიდგენია. რბილი, ფაფუკი, წელვადი და უზომოდ გემრიელი კუბიკები!
ამ დესერტის უამრავი სახეობა არსებობს (მე ყველა ძალიან მიყვარს)!
ინგრედიენტები
- 1 ჭიქა სიმინდის სახამებელი
- 1 ჭიქა შაქარი
- 1 ჭიქა წვნიანი კენკრა ან ხილი თესლის გარეშე
- 2 ჭიქა წყალი
- 100გ ნიგოზი
- ვანილი
- 1 ჭიქა შაქრის ფხვნილი
მომზადება
- დააბლენდერეთ ხილი.
- ვანილს დაუმატეთ შაქარი, 1/3 ხილის პიურე და 1 ჭიქა წყალი, მოხარშეთ 5-7 წუთი ადუღების შემდეგ.
- დარჩენილ პიურეს დაუმატეთ სახამებელი და 1 ჭიქა წყალი, შემდეგ ნელ-ნელა ჩაასხით ადუღებულ მასაში. ურიეთ და დაელოდეთ 2-3 წუთი.
- გადმოიტანეთ ცეცხლიდან და დაუმატეთ ნიგოზი.
- ჩაასხით ფორმაში, გამაგრების შემდეგ დაჭერით, ამოავლეთ სახამებელში და საქრის ფხვნილში.
გემრიელად მიირთვით!
