მაღაზიაში შეგიძლიათ იყიდოთ ძვირიანი პელმენები, მაგრამ სახლში მომზადებულს მაინც ვერ აჯობებს. მე ძალიან მეშინია ნაყიდი პელმენების, რადგან არ ვიცი მათი ზუსტი შემადგენლობა და მასში შემავალი პროდუქტების ხარისხი. ბავშვები ხშირად მთხოვენ პელმენების მომზადებას, ამიტომაც ბევრს ვამზადებ და ვყინავ.
ინგრედიენტები ცომისთვის
- 300გ ფქვილი
- 100მლ ცხელი წყალი
- ქათმის კვერცხი
- 1 ჩაის კოვზი მარილი
- 1 სუფრის კოვზი მცენარეული ზეთი
ინგრედიენტები ფარშისთვის
- 500გ ფარში
- 150გ ფქვილი
- 0,5 ჩაის კოვზი მარილი
- 0,3 ჩაის კოვზი შავი დაფქული წიწაკა
- 50მლ ცივი წყალი
მომზადება
1.ჯამში ჩაასხით 50 გრადუსიანი წყალი, დაუმატეთ მარილი და მოურიეთ. მიღებული მასა მოასხით ფქვილს. ჩატეხეთ კვერცხი და დაიწყეთ ცომის მოზელვა. მოასხით სუფრის კოვზი ზეთი და ხელით დაამუშავეთ ცომი. დაასვენეთ, რათა უკეთ ამოფუვდეს.
2.სწორი ზედაპირი დაამუშავეთ ფქვილით. გადმოიტანეთ ცომი, ჩაზილეთ ცომი რამდენიმე წამის განმავლობაში, შეინახეთ მაცივარში.
3.ამასობაში დავიწყოთ შიგთავსის მზადება. მე ღორის ხორცს დავუმატე ხახვი, გაატარე ხორცსაკეპში, მოაყარეთ მარილი და წიწაკა. შეგიძლიათ დაუმატოთ ძირა და პაპრიკა. მოურიეთ, მოასხით წყალი, კარგად გადაურიეთ ხელით.
4.ფქვილიან ზედაპირზე გააბრტყელეთ ცომი. დაჭერით გრძელლ ზოლებად.
5.ახლა კი დროა გადავიდეთ აწყობაზე. ცომის კუთხეში მოათავსეთ ხორცი, გადაახვიეთ ერთი კუთხიდან მეორესკენ ერთხელ, შემდეგ მეორეჯერ და საბოლოოდ მესამეჯერაც. მოაჭერით ზედმეტი ნაწილები და ხელით მჭიდროდ დააფიქსირეთ გადაბმები.
6.ცხელ წყალში ჩააგდეთ დაფნის ფოთოლი, მოაყარეთ წიწაკა და მარილი. ჩაყარეთ პელმენი და მოხარშეთ. მზა პელმენებს წაუსვით კარაქი. მოასხით არაჟანი და მოაყარეთ მწვანილი.
გემრიელად მიირთვით!
