პანეტონე ტკბილი ნამცხვარია, ქიშმიშით და დაშაქრული ხილით, რომელსაც იტალიელები საშობაოდ აცხობენ. პანეტონე შეგიძლიათ ჩაანაცვლოთ ტკბილი ქიშმიშიანი ფუნთუშით ან სააღდგომო კულიჩით.
ინგრედიენტები:
- 1 ფინჯანი მსუბუქი ნაღები
- 1 ფინჯანი რძე
- 1 ვანილის ჩხირი, სიგრძეზე გაჭრილი
- 3 დიდი კვერცხი
- 100 გ შაქარი
- 350 გ პანეტონე, დაჭრილი
- 1/2 ფინჯანი ფორთოხლის ჯემი
- 225 გ ლეღვის ჩირი, დაჭრილი
- 1 სუფრის კოვზი შაქარი
- ათქვეფილი ნაღები ან ნაყინი – სუფრაზე მისატანად
6 ულუფა
მომზადება: 20 წუთი + 10 წუთი გასაგრილებად
ცხობა: 40-50 წუთი
დონე: 1
მომზადების წესი:
- გააცხელეთ ელექტროღუმელი 177 ℃ (180 ℃; აირღუმელი დააყენეთ ნიშნულზე – 4).
- წაუსვით ცხიმი 20 სმ დიამეტრის ცეცხლგამძლე ლანგარს.
- ნაღები, რძე და ვანილის ჩხირი პატარა ქვაბით საშუალო ზომის ცეცხლზე შემოდგით და ადუღებამდე მიიყვანეთ. გადადგით.
- საშუალო ზომის ჯამში მიქსერით, მაღალი სიჩქარით ათქვიფეთ კვერცხი და შაქარი, სანამ მკრთალი ფერის და კრემის სისქის არ გახდება.
- თანდათან ჩაასხით ნაღების მასა და ურიეთ გაზავებამდე.
- ამოიღეთ ვანილის ჩხირი.
- პანეტონეს (იტალიური ნამცხვარი) ნაჭრებს გადაუსვით ჯერ კარაქი და შემდეგ ჯემი. ჩაალაგეთ მომზადებულ ლანგარში და ლეღვი მოაყარეთ. დაასხით კრემის ნაზავი და ოდნავ დაპრესეთ, რომ პანეტონეს ნაჭრები კარგად გაიჟღინთოს. მოაყარეთ შაქარი.
- აცხვეთ 40-45 წუთი, სანამ არ გამაგრდება და ოქროსფერს მიიღებს. გამოიღეთ ღუმელიდან და დატოვეთ 10 წუთი.
- სუფრაზე მიიტანეთ თბილი, ათქვეფილ ნაღებთან ან ნაყინთან ერთად.
