რთულ ტორტებს და ჩიზქეიქებს იმდენად მივეჩვიეთ, რომ დაგვავიწყდა: ყველაზე გემრიელი დესერტი მარტივად მზადდება. პეჩენია „პლომბირი“ ამის მტკიცებულებაა. ბიუჯეტური პროდუქტები, მარტივი ცომი და შიგთავსი. ასე გემრიელი დესერტი გამოდის!
პეჩენია მცენარეულ ზეთზე ცოტა ფქვილით და შაქრით მზადდება. ცომეული ფხვიერი, ფენოვანი გამოდის. უბრალოდ პირში დნება! გირჩევთ, რომ გასინჯოთ პეჩენია რძის შიგთავსით, რომელიც პლომბირს მოგაგონებთ.
როგორ მოვამზადოთ პეჩენია „პლომბირი“ რძის შიგთავსით
პეჩენია პლომბირის გემოთი ძალიან მარტივად მზადდება. ამ რეცეპტს დამწყები დიასახლისიც გაუმკლავდება. თუ გამოცდილება გაქვთ, მომზადების ტექნოლოგიით და სხვადასხვა შიგთავსით შეიარაღდით. მურაბით, შესქელებული რძით ან შოკოლადის კრემით ძალიან გემრიელი გამოდის.
ინგრედიენტები:
- 250 მლ რძე
- 75 გ შაქარი
- 1 ჩ/კ ვანილი
- 210 გ ხორბლის ფქვილი
- მწიკვი მარილი
- შაქრის ფხვნილი გემოვნებით
- 2 კვერცხი
- 20 გ სახამებელი
- 80 მლ მზესუმზირის ზეთი
- 1 ჩ/კ გამაფხვიერებელი
- მწიკვი ვანილი
მომზადების წესი:
1. პირველ რიგში, შიგთავსი მოამზადეთ. რძე, 1 კვერცხის გული, 35 გ შაქარი, ვანილი და სახამებელი აურიეთ.
2. ინგრედიენტები კარგად აურიეთ და ქურაზე დადგით. კრემი ხარშეთ, მუდმივად გასქელებამდე აურიეთ. ამის შემდეგ ოთახის ტემპერატურამდე გააგრილეთ და საკონდიტრო ტომარაში გადაიტანეთ.
3. კვერცხი, დარჩენილი ცილა, მზესუმზირის ზეთი, მარილი, ვანილი და დარჩენილი შაქარი კარგად აურიეთ.
4. ფქვილი და გამაფხვიერებელი დაუმატეთ. რბილი ცომი მოზილეთ, რომელიც ხელზე არ გეწებებათ.
5. ცომი ორ ნაწილად გაყავით. თითოეული ნაწილი გააბრტყელეთ. ცომის კიდეში კრემი უხვად წაუსვით და რულეტი დაახვიეთ.
6. რულეტი პერგამენტდაფარებულ საცხობ ფორმაზე გადაიტანეთ. 180 გრადუსზე 25-30 წუთით აცხვეთ.
7. მზა რულეტებს შაქრის ფხვნილი მოაყარეთ და 20 წუთით გასაგრილებლად გააჩერეთ. ამის შემდეგ ბასრი დანით დაჭერით.
პეჩენია მოხარშული კრემით იდეალური ვარიანტია ოჯახთან ერთად ჩაიზე ან მეგობართან ერთად ყავაზე მისაყოლებლად. ხელმისაწვდომი პროდუქტების და მარტივი მომზადების წყალობით დესერტი თითქმის ყოველდღე შეგიძლიათ გამოაცხოთ. სიტყვაზე, არ მოგბეზრდებათ!
