სტუმრებს ჩაის წვეულებაზე ბისკვიტის ნამცხვარი კარაქის კრემით მიართვით და თქვენი კულინარიული უნარების გამო კომპლიმენტების მიღებით დაიღლებით. ზოგიერთმა შეიძლება არც დაიჯეროს, რომ ხელნაკეთი დესერტია. ძვირადღირებულ საკონდიტროში ნაყიდს ჰგავს.
ასეთი ტკბილეულის მოსამზადებლად 22×32 სმ ზომის საცხობი ფორმის გამოყენებას გირჩევთ. მასში დესერტისთვის იდეალური საფუძველი გამოდის.
როგორ მოვამზადოთ ჰაეროვანი ნამცხვარი კარაქის კრემით
პატარა ნიუანსი. ფაფუკი ბისკვიტის გამოსაცხობად 4 კვერცხი დაგჭირდებათ. ერთი მთელი დაუმატეთ, დანარჩენის გული და ცილა დააცალკევეთ. ხელით ან სპეციალური ხელსაწყოთი გააკეთეთ.
ინგრედიენტები:
- 4 კვერცხი
- 0,5 ჩ/კ ვანილი
- 45 მლ მზესუმზირის ზეთი
- 0,5 ჩ/კ გამაფხვიერებელი
- 15 გ სიმინდის სახამებელი
- 180 გ კარაქი
- 75 გ შაქარი
- მწიკვი მარილი
- 45 მლ რძე
- 80 გ ხორბლის ფქვილი
- 180 გ შესქელებული რძე
- 80 მლ წყალი
მომზადების წესი:
1. ბისკვიტი მოამზადეთ. ვანილი და 1 ს/კ შაქარი ღრმა თასში ჩაყარეთ. 1 მთელი კვერცხი და 3 კვერცხის გული დაუმატეთ. რძე და მზესუმზირის ზეთი ჩაასხით.
2. სახამებელი, ხორბლის ფქვილი და გამაფხვიერებელი აურიეთ. მშრალი ინგრედიენტები კვერცხის ნარევს დაუმატეთ და ერთგვაროვანი მასის მიღებამდე აურიეთ.
3. ცალკე 3 კვერცხის ცილა მწიკვ მარილთან ერთად ფაფუკი ქაფის მიღებამდე ათქვეფეთ. თანდათან 60 გ შაქარი დაუმატეთ და მყარი პიკის მიღებამდე ათქვეფა გააგრძელეთ.
4. რძიან ნარევს ცილოვანი მასა ფრთხილად დაუმატეთ და აურიეთ. მიღებული მასა პერგამენტდაფარებულ საცხობ ფორმაში ჩაასხით. სპატულით ცომი გაასწორეთ. 160 გრადუსამდე გახურებულ ღუმელში 40 წუთი აცხვეთ.
5. კრემი მოამზადეთ. თასში რბილი კარაქი (82,5 ცხიმიანობა) გადაიტანეთ და ფაფუკი მასის მიღებამდე ათქვეფეთ. 150 გ შესქელებული რძე დაუმატეთ. ერთიანი ფაფუკი მასის მიღებამდე ათქვეფეთ.
6. რძიანი დასანამი ნარევი მოამზადეთ. წყალი და 1 ს/კ შესქელებული რძე აურიეთ.
7. ცივ ბისკვიტს კიდეები მოაჭერით. სიგრძეზე შუაზე გაჭერით. ერთი ნაწილი საჭრელ დაფაზე გადაიტანეთ და რძის ნარევით დანამეთ. ზემოდან კრემი თანაბრად წაუსვით.
8. ბისკვიტის მეორე ნაწილი დააფარეთ. რძის ნარევით დანამეთ და კრემი უხვად წაუსვით.
9. დესერტი 6 კვადრატად გაჭერით. დარჩენილი კრემით გააფორმეთ. საკონდიტრო ტომარა გამოიყენეთ. მზადაა!
ყვავილის დეკორის გასაკეთებლად ცოტა კრემი დაიტოვეთ. ორ თასში გადაანაწილეთ. ერთს მწვანე საღებავი დაუმატეთ, მეორეს – ვარდისფერი. კარგად აურიეთ. კრემით და საკონდიტრო ტომრით ნამცხვარზე ფოთლების და ყვავილის ფურცლების ფორმები გადაიტანეთ.
