თუ თქვენც ჩემსავით ფენოვანი პურცომეულის მოყვარული ხართ, მაგრამ მომზადების შრომატევადი პროცესი გაშინებთ, ამ რეცეპტით მომზადებას გირჩევთ. ერთი შეხედვით, ლუდზე მომზადებული ცომი კლასიკურ ფენოვან ცომს არაფრით ჩამოუვარდება: საკმაოდ ფხვიერია, თან გარეგნულად მთლიანი.
თუმცა გემოთი ფენოვანსა და ფხვიერ ცომს შორის რაღაც შუალედურია. უჩვეულო, მაგრამ ხელმისაწვდომი შემადგენლობა, მომზადების სისწრაფე და სიმარტივე, ამ ცომეულის მთავარი კოზირია. ლუდის ცომი უნივერსალურია, ამიტომ როგორც ტკბილი, ასევე მარილიანი ღვეზელის, თხელი პიცის და ორცხობილის საფუძვლად შეგიძლიათ გამოიყენოთ. ექსპერიმენტები ჩაატარეთ.
ფხვიერი ცომი ლუდით: მომზადების ნიუანსები
ადრე დედა ცომს დანით ჭრიდა და კარაქს დიდ სახეხზე ხეხავდა. ეს დიდ დროს არ ართმევდა, მაგრამ დიდი შრომა სჭირდებოდა. თავად მომზადების ეტაპები დავაჩქარე და გავამარტივე. ცნობილია, რომ ფენოვანი ცომი ვერ იტანს გაცხელებას, ამიტომ მნიშვნელოვანია, რომ კარაქი (მარგარინი) ხელის სითბოსგან არ გადნეს. ჩოფერი გამოიყენეთ. ასე მომზადება მხოლოდ სიხარულს მოგიტანთ.
ინგრედიენტები:
- 1 ჭიქა ღია ფერის ლუდი
- 3 ჭიქა ხორბლის ფქვილი
- 300 გ კარაქი
მომზადების წესი:
1. ჩოფერის ჭიქაში ფქვილი ჩაყარეთ. ცივი კარაქი ან მარგარინი დაუმატეთ.
2. თავსახური დაახურეთ და ღილაკს ზუსტად 3–ჯერ დააჭირეთ. თანაბარი ზომის ნაფშვენი უნდა მიიღოთ. გემოვნებით მარილი, შაქარი ან სხვა დანამატი დაუმატეთ.
3. მაშინვე ცივი ლუდი დაასხით, თავსახური დაახურეთ და კიდევ ერთხელ 10 წამით ჩართეთ. იგივე ხელით შეგიძლიათ გააკეთოთ, თუმცა დიდხანს არ მოზილოთ.
4. ცომი ჭიქიდან ამოიღეთ და დააგუნდავეთ. პარკში მოათავსეთ და 30 წუთით მაცივარში შეინახეთ.
ასეთი ცომით მუშაობა ძალიან ადვილია. რბილია და ადვილად იწელება, თუმცა სამუშაო ზედაპირზე ფქვილის მოყრა მაინც მოგიწევთ.
