აუ საუცხოო კრემ-საწებელს ძირითად კერძამდე მიირთმევენ. კარგია ცივ თეთრ ღვინოსთან.
ჰუმუსი – მუხუდოს მარცვლებისგან მომზადებული პიურე.
ტაჰინი – ტაჰინის პასტა ბერძნულ, თურქულ და ახლო აღმოსავლეთის ქვეყნების სამზარეულოებში მოიხმარება. მზადდება სეზამის მარცვლებისგან. იყიდება მზაც.
ტორტილია – “მრგვალი თხელი კვერი”. მზადდება სიმინდის ან ხორბლის ფქვილისგან. გამოიგონეს მექსიკაში. აცხობენ თითქმის მთელ ამერიკაში, ევროპაშიც. ესპანელები ამზადებენ კარტოფილითა და კვერცხით. მისი ჩიპსები იყიდება სუპერმარკეტებში.
ინგრედიენტები :
- 400 გ ბარდა
- 2 კბილი ნიორი
- 2 ს.კ. იოგურტი (ხილის გარეშე, უშაქრო)
- 3 ს.კ. ცივი დაწურვის ზეითუნის ზეთი
- 2 ლიმონის ცედრა
- 1 ლიმონის წვენი
- მარილი, შავი პილპილი
- 1/2 ჭიქა ქინძი
- სიმინდის ან ტორტილიას ჩიპსები
- სტაფილოს ჩხირები
მომზადების წესი:
- ჰუმუსი: მუხუდო, მსხვილად დაჭრილი ნიორი, იოგურტი, ტაჰინი, ზეითუნის ზეთი და ლიმონის გახეხილი ცედრა სამზარეულოს კომბაინში მოათავსეთ. ლიმონის ახალგამოწურული წვენი დაასხით და ერთგვაროვან მასად აქციეთ.
- შეაზავეთ მარილითა და შავი პილპილით, დაუმატეთ წვრილად დაჭრილი ქინძი. ჰუმუსი ფიალაში გადაიტანეთ, მცირეოდენი ზეთი მოასხით და ქინძის ფოთლებით მორთეთ. დაახურეთ და გააცივეთ.
- სუფრაზე სიმინდის ან ტორტილიას ჩიპსებთან, ან სტაფილოს ჩხირებთან ერთად მიიტანეთ.