დღეს Gastronomia.ge-ს რედაქცია გთავაზობთ კეფირზე მომზადებულ ფენოვან ტკბილეულს. იმდენად გემრიელია, რომ სუფრიდან სწრაფად ქრება.
ცომის ინგრედიენტები:
- 250 გრ კარაქი
- 1 ჭიქა (250 მლ) კეფირი
- 1 პაკეტი (10 გრ) გამაფხვიერებელი
- 3 ჭიქა (480 გრ) ფქვილი
ნაფშვენის ინგრედიენტები:
- ¾ ჭიქა (120 გრ) ფქვილი
- ¾ ჭიქა (150 გრ) შაქარი
- 100 გრ გახეხილი კარაქი
მომზადების წესი:
- კარაქი გახეხეთ, 1 ჭიქა კეფირი, გამაფხვიერებელი და ფქვილი დაუმატეთ. სწრაფი ცომი მოზილეთ და 1 საათით სიცივეში გააჩერეთ.
- ნაფშვენი მოამზადეთ: ფქვილი, შაქარი, გახეხილი კარაქი აურიეთ ისე, რომ ნაფშვენი მიიღოთ და მაცივარში შეინახეთ.
- ცომი 6 ნაწილად გაყავით. თითოეული დაახლოებით 165 გრ უნდა იყოს.
- პირველი ფენა 4-5 მმ სისქეზე გააბრტყელეთ და ნაფშვენის ნაწილი, ზუსტად 70 გრ მოაყარეთ.
- ზემოდან მეორე გაბრტყელებული ფენა დააფინეთ, ნაფშვენი მოაყარეთ და ოდნავ ჩააწექით.
- ასე ყველა ფენაზე გაიმეორეთ. ბოლო ფენაზე ნაფშვენის დაყრა საჭირო არაა. ნაწილებად, სექტორებად დაყავით.
- 180 გრადუსამდე გახურებულ ღუმელში 35-45 წუთით აცხვეთ.
- მზა ფენოვან ტკბილეულს შაქრის ფხვნილი მოაყარეთ და სუფრაზე გაიტანეთ.
- გემრიელად მიირთვით!
