დღემდე კარგად მახსოვს, როგორ ცდილობდა ბებია ჩემ განებივრებას ხაჭოს უგემრიელესი, ძალიან ფაფუკი და ჰაეროვანი ბატონებით. ყოველთვის, როდესაც ის მზადებას იწყებდა, გვერდიდან არ ვშორდებოდი და მოუთმენლად ველოდებოდი, როდის შემოვუსხდებოდით მაგიდას ერთად სასაუზმოდ.
ასეთი საუზმე არა უბრალოდ გემრიელი, არამედ სასარგებლოცაა, განსაკუთრებით კი ბავშვების ზრდა-განვითარებისთვის. ხაჭოს უგემრიელესი ბატონების დასამზადებლად თქვენ უნდა შეაჩეროთ არჩევანი ყველაზე რბილ, ოდნავ მომშრალო ხაჭოზე. თუ პროდუქტი ზედმეტად ცხიმიანი და ტენიანია, დატოვეთ გახსნილ მდგომარეობაში გარკვეული პერიოდით, რათა ხაჭო ოდნავ შეშრეს.
ხაჭოს გემრიელი ბატონები
ინგრედიენტები:
- 300 გრამი ხაჭო
- 1 კვერცხი
- 1 ს.კ. არაჟანი
- 2 ს.კ. შაქარი
- 1/4 ჩ.კ. მარილი
- 1/8 ჩ.კ. ვანილი
- 1/2 ჩ.კ. სოდა
- 1/2 ჩ.კ. საფუარი
- 3 ს.კ. ფქვილი
- 2 ს.კ. მზესუმზირის ზეთი
- 2 ს.კ. შაქრის პუდრი
მომზადება:
- კოვზის გამოყენებით კარგად დასრისეთ ხაჭო. მასში არ უნდა დარჩეს მკვირი მასები.
2. ღრმა ჭურჭელში შეურიეთ ერთმანეთში ხაჭო, კვერცხი, არაჟანი, შაქარი, სოდა, საფუარი, მარილი, ვანილი და ფქვილი. გულდასმით გადაურიეთ. თუ მიღებული მასის კონსისტენცია ზედმეტად თხელი იქნება, დაამატეთ კიდევ მცირე რაოდენობით ფქვილი.
3. მყარ ზედაპირზე მოაყარეთ ფქვილი, გადმოიღეთ მომზადებული მასა და კარგად დაამუშვეთ ხელებით, ამოიყვანეთ ცომი.
4. დააყოვნეთ ის რამდენიმე წუთით და შემდეგ შეუდექით გრძელი ჩხირების ფორმირებას.
5. დაჭერით ის საშუალო სიგრძის თანაბარ ნაჭრებად.
6. დაბრაწეთ ხაჭოს ბატონები ტაფაზე ორივე მხრიდან.
7. მზა ბატონებს ზემოდან მოაყარეთ მცირეოდენი შაქრის პუდრი. გემრიელად მიირთვით!
ხაჭოს ძალიან ნაზი და ფაფუკი ბატონები აუცილებლად მოგხიბლავთ თავისი გემოთი და არომატით. ის ყველაზე გემრიელი და სასარგებლო სწორედ ჩაის დილის ულუფასთან ერთად არის. აუცილებლად გაუმასპინძლდით ამ უგემრიელესი საუზმით ოჯახის წევრებს და გაუზიარეთ სტატია მეგობრებსაც. გისურვებთ ჯანმრთელობასა და ბედნიერებას!
