გასაოცარი, ნაზი ტორტი გამოცხობის გარეშე. უგემრიელესი შოკოლადის კრემით.
ეს ტორტი პირდაპირ დნება პირში.
ინგრედიენტები
- ნებისმიერი ორცხობილა 300გ
- შავი შოკოლადი 200გ
- ნაღები 30% 500გ
- კაკაო 1 სუფრის კოვზი
მომზადება
- ნაღები ჩაასხით ღრმა ქვაბში.
- ურიეთ განუწყვეტლივ და გაახურეთ 80-90 გრადუსზე. გადმოიტანეთ ცეცხლიდან.
- შოკოლადის ფილა გატეხეთ და მოათავსეთ ნაღებში.
- ურიეთ სრულ გალღვობამდე.
- კრემს გადააფარეთ პაკეტი (ისე რომ ეხებოდეს).
- გააგრილეთ ოთახის ტემპერატურამდე და მოათავსეთ მაცივარში 3 საათი.
- კრემი უნდა იყოს კარგად გაგრილებული.
- კრემი მოათავსეთ ჯამში და კარგად ათქვიფეთ.
- ჯერ ათქვიფეთ დაბალ სიჩქარეზე, ხოლო შემდეგ კი მოუმატეთ სიჩქარეს.
- გამოსაცხობი ფორმა ამოფინეთ პერგამენტით და წაუსვით მცენარეული ზეთი.
- მოათავსეთ 1/4 კრემი (სულ იქნება 4 ორცხობილის ფენა და 4 კრემის), კარგად გადაანაწილეთ ზედაპირზე.
- ორცხობილა ჩააწეთ ტკბილ ცივ ყავაში და მოათავსეთ კრემზე.
- შემდეგ ისევ კრემი და ორცხობილა. ამავე მეთოდით ააწყვეთ დესერტი. ბოლო ფენად მოათვსეთ ორცხობილა.
- გადააფარეთ პაკეტი და მოათავსეთ 8-10 საათი მაცივარში.
- გაგრილების შემდეგ წაუსვით კრემი.
- ზემოდან მოაყარეთ კაკაო.
გემრიელად მიირთვით!
