არ მეგულება ადამიანი, ვისაც ეს უგემრიელესი ქართული კერძი არ უყვარს… ეს კერძი ხომ ჩვენი ქვეყნის სავიზიტო ბარათია. ქათმის ან ვარიის ჩახოხბილი – ნამდვილად საუცხოოდ ჟღერს ისევე, როგორც მისი არაჩვეულებრივი გემო! სიამოვნებით შემოგთავზებთ ამ დიდებული კერძის რეცეპტს.
ინგრედიენტები:
- ქათამი, ვარიან ან წიწილა – ერთი ცალი
- ხახვი – 300-400 გრამი
- კარაქი ან ერბო – 80-100 გრამი
- პამიდორი – 800-1000 გრამი
- მარილი – გემოვნებით
მომზადების წესი:
- გასუფთავებული, ცივ წყალში გარეცხილი ფრინველი ასო-ასო დაჭერით, გარეცხეთ და გადაიტანეთ თუშფალანგზე, რომ წყლიდან დაიწრიტოს, მერე მოათავსეთ ქვაბში, დაახურეთ ქვაბს სახურავი, დადგით ცეცხლზე და ცოტა ხანს შუშეთ.
- გასუფთავებული, გარეცხილი ხახვი წვრილად დაჭერით, ჩაყარეთ მოშუშულფრინველიან ქვაბში, დაუმატეთ კარაქი ან ერბო და ერთად მოხრაკეთ.
- გარეცხილი პამიდორი დაჭერით, ხორცსაკეპ მანქანაში გაატარეთ, ჩაასხით მოხრაკულფრინველიან ქვაბში და ხარშეთ 20-25 წუთი.
- თუ გსურთ, ფრინველის ხორცს მოშუშვის დროს დაუმატეთ დაჭრილი კარტოფილი, წიწაკა და წვრილად დაჭრილი სხვადასხვა სახის მწვანილი.
- ახალი პამიდვრის მაგიერ შეგიძლიათ გამოიყენოთ 1/2 ჩაის ჭიქა წყალში არეული 3/4 ჩაის ჭიქა პამიდვრის პიურე.
