ეს რულეტი ძეხვეულის ტრადიციულ რულეტზე გაცილებით მსუბუქი და ჯანსაღი საკვებია. მიირთვით ახალგამომცხვარი, ან სუფრაზე მიტანის წინ შეათბეთ ჰაერღუმელში.
ინგრედიენტები:
- 2 ქათმის ხორცი
- 1 კბილი ნიორი
- 4 ნაჭერი შაშხი
- 4 მზეზე გამომშრალი პამიდვრის კონსერვი
- 3 ს/კ ქორფა ქინძი
- 1 ს/კ ხმელი ძირა
- მარილი, შავი პილპილი
- 400 გ (1 შეკვრა) ფენოვანი ცომის მზა ხვეულა
- 1 კვერცხი
- 2 ს/კ სეზამის თესლი
მომზადების წესი:
- ღუმელი წინასწარ გაახურეთ 180 გრადუსზე. თუნუქის ფურცელი მოამზადეთ.
- ქათმის კანგაცლილი ხორცი და ნიორი სამზარეულოს კომბაინში წვრილად დაჭერით, დაუმატეთ კანმოცლილი შაშხი, დაჭრილი პამიდორი, ქინძი და ძირა. შეაზავეთ მარილითა და პილპილით. კომბაინშივე კარგად აურიეთ.
- სამუშაო ზედაპირს მცირეოდენი ფქვილი მოაყარეთ და ზედ ცომის ხვეულა გაშალეთ, სიგრძეზე გაჭერით. შუა ნაწილში, წიწილიანი მასის ნახევარი მოათავსეთ, ცომი გადაახვიეთ და ბოლოებს თავი მჭიდროდ მოუკარით. რულეტი, ბასრი დანით, 2,5 სმ-იან რგოლებად დაჭერით. ცომის მეორე ნაწილითაც ასეთივე რულეტი დაამზადეთ და დაჭერით.
- ნაჭრები თუნუქის ფურცელზე თანაბრად განალაგეთ.
- სამზარეულოს ფუნჯით კვერცხის გული გადაუსვით და სეზამის მარცვლები მოაყარეთ.
- აცხვეთ 20-25 წთ, ვიდრე ოქროსფერ-ყავისფრად შეიფერება. სუფრაზე ცხელი მიიტანეთ.
