უნივერსალური საფუარის ცომი, რომელიც 1 კვირა არ გაფუჭდება

159

საფუარის ცომი ჩვენი ცომეულის საფუძველია. ვერ წარმომიდგენია წვნიანი ახალგამომცხვარი ფუნთუშის გარეშე, ფინჯანი ჩაი გემრიელი პეროგის გარეშე. ბევრი დიასახლისი საფუარის ცომს დასვენების დღეებში ამზადებს. ასეთი ცომი დიდ დროს მოითხოვს: უნდა მოზილოთ, ამოსასვლელად გააჩეროთ, ჩაზილოთ, ფორმა მისცეთ და კვლავ დაელოდოთ.

ახალ ცომეულზე უარს ხომ ვერ ვიტყვით? გიამბობთ, როგორ მოამზადოთ 1 კვირის სამყოფი ცომი. შაბათს ან კვირას მოზილეთ, მაცივარში შეინახეთ და ფუნთუშები ან ღვეზელები ყოველდღე აცხვეთ. ცომი სწორი მომზადების შემთხვევაში 7 დღე არ ამჟავდება.

როგორ მოვამზადოთ უნივერსალური საფუარის ცომი, რომელიც 1 კვირა გეყოფათ

უნივერსალური ცომი ნებისმიერი სახის ცომეულს უხდება. გამაფხვიერებლის წყალობით მაცივარში უპრობლემოდ გაძლებს. უბრალოდ ყოველ სამ დღეში ჩაზილეთ, თუ არ იყენებთ.

ინგრედიენტები:

  • 150 მლ წყალი
  • 15 გ საფუარი
  • 1 კვერცხი
  • 650 გ ხორბლის ფქვილი
  • 2 ს/კ შაქარი
  • 200 მლ რძე
  • 1 ჩ/კ გამაფხვიერებელი
  • 4 ს/კ მზესუმზირის ზეთი

მომზადების წესი:

1. თბილ წყალს საფუარი და 1 ს/კ შაქარი დაუმატეთ. აურიეთ და 5-10 წუთით გააჩერეთ.

2. მარილი, დარჩენილი შაქარი, თბილი რძე, მზესუმზირის ზეთი და 1 კვერცხი დაუმატეთ. ფქვილი და გამაფხვიერებელი გაცერით და ცომი მოზილეთ. ცომი კარაქწასმულ თასში გადაიტანეთ, პირსახოცი დააფარეთ და 1 საათით გააჩერეთ.

3. ცომი ჩაზილეთ და კარაქწასმულ კონტეინერში გადაიტანეთ. მაცივარში შეინახეთ.

ახალი საფუარი მშრალი საფუარით შეგიძლიათ ჩაანაცვლოთ. ამ შემთხვევაში 3-ჯერ ნაკლები დაგჭირდებათ, მხოლოდ 5 გრამი. ასეთი უნივერსალური საფუარის ცომით ახალი ცომეული საუზმეზე შეგიძლიათ გამოაცხოთ. საფუარის ცომის მომზადების ყველა ეტაპზე დროის დახარჯვა არ მოგიწევთ.