ტორტი „პოლ რობსონი“ კეფირზე: საოცარი შედეგი პროდუქტების მარტივი ნაკრებით

404

დღეს Gastronomia.ge-ს რედაქცია გთავაზობთ ტკბილეულის მოყვარულების საყვარელი შოკოლადის ტორტის „პოლ რობსონის“ რეცეპტს. აღსანიშნავია, რომ ამ ტორტს სახელი ამერიკელი მომღერლის და მსახიობის პატივსაცემად უწოდეს. ტორტი მარტივ ინგრედიენტებს შეიცავს და საკმაოდ სწრაფად მზადდება. მასში იდეალურად არის შერწყმული ჰაეროვანი ბისკვიტის ფენები, წვნიანი არაჟნის კრემი და კაკალი. რეცეპტი თქვენი გემოვნებით შეგიძლიათ შეცვალოთ, რაც კიდევ ერთი უპირატესობაა.

ბისკვიტის ინგრედიენტები:

  • 250 გ ფქვილი
  • 3 ს/კ კაკაო
  • 1 ჩ/კ სოდა
  • 250 მლ კეფირი
  • 180 გ შაქარი
  • 80 გ კარაქი
  • 2 კვერცხი
  • მწიკვი მარილი

კრემის ინგრედიენტები:

  • 450 გ არაჟანი 20% ცხიმიანობით
  • 80 გ შაქრის ფხვნილი
  • 100 გ ნიგოზი ან ნუში
  • 5 წვეთი ვანილის ესენცია

მომზადების წესი:

1. კვერცხი, მარილი და შაქარი ათქვიფეთ ისე, რომ მყარი მასა მიიღოთ. შაქარი არა მთლიანად, არამედ თანდათან დაუმატეთ.

2. კეფირი და გამდნარი კარაქი დაუმატეთ და აურიეთ.

3. ფქვილი და კაკაო გაცერით.

4. მშრალი ინგრედიენტები კეფირის და კვერცხის მასას დაუმატეთ და აურიეთ.

5. თხელი ცომი პერგამენტ დაფარებულ საცხობ ფორმაში ჩაასხით.

6. 180 გრადუსზე ზუსტად 1 საათით აცხვეთ. კბილის ჩხირით შეამოწმეთ, მზად თუ არის.

7. ბისკვიტს გაგრილება აცადეთ. ახლა ზედა ნაწილი გაასწორეთ, ცოტა მოაჭერით და დაფშვენით.

8. დარჩენილი ბისკვიტი გრძელი დანით ან სიმით სამად გაყავით.

9. კაკალი შეწვით და მსხვილად დაფშვენით.

10. არაჟანი, შაქრის ფხვნილი და ვანილის ესენცია ათქვიფეთ. ფაფუკ მასას დაქუცმაცებული კაკალი დაუმატეთ და აურიეთ.

11. ტორტი ააწყვეთ. ბისკვიტის ფენებს კრემი წაუსვით. ტორტის გვერდებსა და ზედა ნაწილსაც კრემი წაუსვით. ახლა დაფშვნილი ბისკვიტის ფენა მოაყარეთ.

12. მაცივარში 2-3 საათით გააჩერეთ, რომ კარგად გაიჟღინთოს. შოკოლადის ტორტი მზადაა. გემრიელად მიირთვით!