ყველამ იცის ცნობილი იტალიური დესერტი ტირამისუ, გასტრონომიას რედაქცია უგემრიელესი ნამცხვრის საუკეთესო რეცეპტს გთავაზობთ.
ინგრედიენტები:
- 75 გ ფქვილი
- 1/2 ჭიქა კარტოფილის ან სიმინდის სახამებელი
- 6 კვერცხის ცილა და გული (განცალკევებული)
- 200 გ +30 გ შაქრის პუდრი
- 1 ჩ.კ. ვანილის ექსტრაქტი (ესენცია)
- 1 ჩ.კ. ახალგამოწურული ლიმონის წვენი
მასკარპონეს კრემი
- 300 მლ ნაღები
- 5 ს.კ. შაქრის პუდრა
- 300 გ ყველი მასკარპონე (დარბილებული)
- 1 ჩ.კ. ვანილის ექსტრაქტი (ესენცია)
- 90 მლ მაგარი ყავა (მოდუღებული)
- 90 მლ ყავის ლიქიორი
გაფორმება
- 75 გ უშაქრო კაკაოს ფხვნილი
- 100 გ შავი შოკოლადის ხვეულები
მომზადების წესი:
- ღუმელი 180 გრადუსზე გაახურეთ. ტორტის საცხობ ფორმას (23 სმ) კარაქი წაუსვით და პერგამენტის ქაღალდი ჩააფინეთ.
- ფქვილი და სახამებელი გაცერით.
- კვერცხის გული, 200 გ შაქრის პუდრი და ვანილი საშუალო სიჩქარეზე თქვიფეთ გათეთრებამდე და გასქელებამდე.
- ცალკე ათქვიფეთ კვერცხის ცილა გამკვრივებამდე. თანდათან დაამატეთ შაქრის პუდრი და ლიმონის წვენი, თქვიფეთ გამკვრივებამდე.
- კვერცხის ცილის მეოთხედი ფრთხილად შეურიეთ კვერცხის გულის ნარევს. ფქვილისა და კვერცხის ნარევი ერთმანეთში კარგად აურიეთ. ფრთხილად ჩაამატეთ დარჩენილი ცილი მიქსტურა.
- მიღებული მასა წინასწარ გამზადებულ ფორმებში გადაანაწილეთ.
- თითოეული აცხვეთ 20-25 წუთის განმავლობაში.
- 10 წუთი ფორმაშივე გააჩერეთ, შემდეგ ცხაურზე ამოაპირქვავეთ და ქაღალდი ფრთხილად მოაშორეთ, ასე დატოვეთ ბოლომდე გასაცივებლად.
- მასკარპონეს კრემი. ნაღები და შაქრის პუდრი ათქვიფეთ გამკვრივებამდე. დაამატეთ ყველი მასკარპონე და ვანილის ექსტრაქტი. ისევ ათქვიფეთ.
- ყავა და ყავის ლიქიორი პატარა ჯამში ჩაასხით. ბისკვიტის ერთი ფირფიტა თეფშზე დადეთ და ფუნჯით ყავის მიქსტურის ერთი მესამედი მოუსვით, შემდეგ კრემი მასკარპონეე ერთი მესამედი გადაუსვით. დარჩენილი ორი ბისკვიტიც იმავენაირად შეაერთეთ.
- გაფორმება: ზედაპირზე კაკაო მოაყარეთ. გააფორმეთ შოკოლადის ანაფხეკებით.
- მირთმევამდე 4 საათით ან მთელი ღამით მაცივარში მოათავსეთ.
