არ იცით, რა გამოაცხოთ ჩაისთან მისაყოლებლად? მოიძიეთ ცოტაოდენი თაფლი, კვერცხი და კეფირი, დღეს ჩვენ მოვამზადებთ ტკბილეულობას, რომლის გემოც ბავშვობიდან კარგად გვახსოვს – სურნელოვან თაფლაკვერებს ცილის მინანქრით.
ამ მარტივი ნამცხვრის მომზადებას ახალბედა დიასახლისიც დასძლევს. რბილი თაფლაკვერა ჰაეროვანი გამოდის კეფირის წყალობით, ამასთან მომზადებას დიდი დრო არ სჭირდება. მაშ ასე, შევუდგეთ საქმეს!
ინგრედიენტები
- 350 მლ კეფირი
- 275 გრ შაქარი
- 2 ც კვერცხის ცილა
- 2 ც კვერცხის გული
- 1 ს.კ. თაფლი
- 4 ჭიქა ფქვილი
- 3 ს.კ. ზეთი
- 1 ჩ.კ. სოდა
მომზადება
- ათქვიფეთ 2 კვერცხის ცილა, 1 კვერცხის გული, 1 ს.კ. თაფლი და 1 ჭიქა შაქარი. დაუმატეთ ზეთი, კეფირი და კვლავ კარგად ათქვიფეთ.
- გაცერით ფქვილი, დაუმატეთ სოდა, მოზილეთ ცომი და გააბრტყელეთ 1 სმ სისქეზე. ჭიქის მეშვეობით ამოჭერით ფორმები. საცხობ ფორმას დააფინეთ პერგამენტი, მოათავსეთ ნაწარმი 1-2 სმ დაშორებით. შედგით 180 გრადუსამდე გახურებულ ღუმელში 20-25 წუთით.
- სანამ თაფლაკვერა ცხვება, მოამზადეთ შაქრის მინანქარი. ათქვიფეთ 3 კოვზი შაქარი და კვერცხის ცილა. მასა თხევადი უნდა იყოს, ასე რომ დიდი ძალისხმევა არ არის საჭირო.
- გამოიღეთ თაფლაკვერები და წაუსვით მინანქარი. შედგით ღუმელში კიდევ 10 წუთით. მზა თაფლაკვერები გააცივეთ.
თაფლაკვერები დიდხანს ინარჩუნებს სირბილეს. ძალიან ნაზი და არომატული დესერტი გამოგივათ. მოგეწონათ რეცეპტი? მაშინ შეინახეთ და გაუზიარეთ მეგობრებს.
