კალვადოსი ვაშლის არაყია, რომელსაც ნორმანდიაში ამზადებენ. მას სპეციალურად გამოყვანილი და შერჩეული ვაშლისგან ხდიან. კალვადოსით მომზადებული ტარტი საუცხოო შეგრძნებებს დაგიტოვებთ.
ინგრედიენტები:
- 250 გ ფქვილი
- 65 გ შაქრის ფხვნილი
- 1/4 ჩ.კ. მარილი
- 2/3 ჭიქა კარაქი (წინასწარ გაცივებული და კუბებად დაჭრილი)
- 1 დიდი კვერცხი
- 2 სუფრის კოვზი მაღალკალორიული (ორმაგი ნაღები)
გულსართი:
- 2 საშუალო ზომის ვაშლი (გაფცქვნილი, გულამოცლილი)
- 1 სუფრის კოვზი დარბილებული კარაქი
- 50 გ შაქრის ფხვნილი
- 4 სუფრის კოვზი შაქრის პუდრი
- 3 სუფრის კოვზი გარგარის ჯემი
- 1 სუფრის კოვზი კალვადოსი
ფირფიტა
- ფქვილი, შაქარი და მარილი კომბაინში ჩაყარეთ. სწრაფად შეურიეთ. დაუმატეთ კარაქი და სწრაფად ურიეთ, სანამ მასა ფხვიერი გახდება.
- ურიეთ და თან დაუმატეთ კვერცხი და ნაღები. თქვიფეთ, ვიდრე მასა ერთგვაროვანი გახდება.
- ცომი მოათავსეთ გამჭვირვალე ცელოფანზე, 18 სმ-ის სისქეზე გააბრტყელეთ და ცელოფანში შეფუთეთ. შედეთ მაცივარში სულ ცოტა, 30 წუთით (მაქსიმალური დრო – 48 სთ).
- ტარტის ფორმას, მოსახსნელი ძირით (28 სმ-იანი), ცოტაოდენი ცხიმი წაუსვით.
- ცომს ცელოფანი მოხსენით და გრილ ზედაპირზე, მაგალითად, მარმარილოს დაფაზე მოათავსეთ, რაც ცომს სწრაფად დარბილების საშუალებას არ მისცემს. ცომს ორივე მხრიდან ცოტაოდენი ფქვილი მოყარეთ.
- ცომს ორივე მხრიდან თხელი ცელოფანი ან პერგამენტის ქაღალდი დააფარეთ და გააბრტყელეთ 3 მმ სისქეზე, 33 სმ დიამეტრით. თუ შეატყობთ, რომ ცომი ზედმეტად მაგრდება, დროდადრო ცელოფანი მოხსენით და ცოტაოდენი ფქვილი მოაყარეთ. თუ ცომი ზედმეტად ნაზი გამოვიდა, მაცივარში შედგით, რომ ცოტა გამაგრდეს.
- ცომის ზედაპირიდან ცელოფანი მოხსენით. საგლინველას (ცომის გასაბრტყელებელი ) ცოტაოდენი ფქვილი მოაყარეთ და ცელოფანის ქვედა ფენის მოსახსნელად, ცომის ქვეშ გაატარეთ.
- ცომი ფორმაში ფრთხილად მოათავსეთ. გვერდები ხელით ისე გაასწორეთ, რომ ცომი არ დაიშალოს, ხოლო ის ნაწილი, რომელიც ფორმიდან გადმოვა, უკანვე ჩააბრუნეთ და დაახლოებით 5 მმ სისქის სარტყელი გაუკეთეთ. შეგიძლიათ ცომი გამოცხობამდე კიდევ ერთხელ, ნახევარი საათით, გააცივოთ.
- ელექტროღუმელი წინასწარ გააცხელეთ 200 გრადუსზე (აირღუმელი დააყენეთ ნიშნულზე – 6) 20 წუთის განმავლობაში. ფორმაში გამოსაცხობად გამზადებულ ცომს ფოლგის ქაღალდი დააფარეთ. ამოავსეთ გამომშრალი მარცვლეულით (სიმძიმისთვის). 5 წთ-ის განმავლობაში გამოაცხვეთ, შემდეგ ტემპერატურას 190 გრადუსამდე ( აირღუმელი დააყენეთ ნიშნულზე – 5) დაუწიეთ და კიდევ 5 -10 წთ-ით დატოვეთ, ვიდრე ფირფიტა გამაგრდება და მოყავისფრო – ოქროსფერს მიიღებს.
- გამომცხვარი ფირფიტა ღია ყავისფერი უნდა იყოს. მზა ფირფიტა გასაგრილებლად დადგით, ამასობაში გულსართი მოამზადეთ.
გულსართი
- ვაშლი საშუალო ზომის ქვაბში მოათავსეთ. დაუმატეთ შაქრის ფხვნილი, კალვადოსი, კარაქი, დარიჩინი და საშუალო ცეცხლზე ადუღეთ. დროდადრო ურიეთ, სანამ ვაშლი დარბილდება, დაახლოებით 10-15 წუთი. ვაშლი კარგად ასრისეთ და ნელ ცეცხლზე იქამდე დატოვეთ, ვიდრე სითხე ბოლომდე აორთქლდება.
- ვაშლის გულსართი კოვზით ჩადეთ გამომცხვარ ფირფიტაში და გადადგით.
ზედაპირი
- ელექტროღუმელი 190 გრადუსზე გაახურეთ (აირღუმელი დააყენეთ ნიშნულზე – 5)
- ვაშლი დაჭერით გრძელ, თხელ ნაჭრებად. ნაჭრები გულსართით ამოვსებული ფირფიტის ზედაპირზე წრიულად დააწყვეთ. შუაგულიდან დაიწყეთ და სპირალისებურად შეავსეთ კიდეებამდე. გამდნარი კარაქი გადაუსვით და შაქარი მოაყარეთ.
- 20 წუთის განმავლობაში გამოაცხვეთ, სანამ ვაშლი დარბილდება.
- გრილი მაღალ ტემპერატურაზე გაახურეთ.
- ღვეზელს შაქრის პუდრი მოაყარეთ, კიდეებზე ფოლგა შემოახვიეთ და გრილზე ცეცხლიდან 10 სმ-ის მოშორებით მოათავსეთ. გააჩერეთ 1-2 წუთით. როდესაც ვაშლი ოქროსფერი გახდება, გადადგით და ფოლგა მოხსენით.
- გარგარის ჯემი და კალვადოსი პატარა ჯამში გააცხელეთ. ეს მასა ფუნჯით მზა ღვეზელს გადაუსვით.
- სუფრასთან თბილი ან გაგრილებული მიიტანეთ.
