სალათა ტაბულენის, კლასიკური ლიბანური ოხრახუშის სალათასა და კუსკუსის ნარევია. იგი საკმაოდ ნოყიერია, შეგიძლიათ ცალკე კერძად, ან ბუტერბროდებთან ერთად მიირთვათ.
კუსკუსი – ბევრს მარცვლეული ჰგონია, მაგრამ სინამდვილეში გარკვეული ტიპის მაკარონია (პასტაა). სემოლინისგან ამზადებენ. იყიდება დამზადებული როგორც რაფინირებული ფქვილით, ასე – გაუცრელით. ეს უკანასკნელი გაცილებით ნოყიერია.
ინგრედიენტები:
- 75 მლ (5 ს.კ) ცივი დაწურვის ზეითუნის ზეთი
- 150 გ (1 ჭიქა) კუსკუსის მარცვალი
- მარილი
- 700 მლ (2-ის 3/4 ჭიქა) მდუღარე წყალი
- 120 მლ (1/2 ჭიქა) ლიმონის წვენი
- 1/2 ჩ.კ დაფქული ძირა
- 1 წითელი ბულგარული წიწაკა
- 500 გ პამიდორი ჩერი
- 1 კიტრი
- 4 მწვანე ხახვი
- 50 გ (1 ჭიქა) ოხრახუში
- 1/4 ჭიქა პიტნა
- შავი პილპილი
- რომაული სალათის ფოთლები
მომზადების წესი:
- 1 სუფრის კოვზი ზეითუნის ზეთი საშუალო ტემპერატურაზე გააცხელეთ და კუსკუსი 1-2 წთ მოშუშეთ. გადმოდგით და დაუმატეთ 1/2 ჩ.კ მარილი და 500 გ მდუღარე წყალი. ქვაბი შეანჯღრიეთ, დააფარეთ და 7 წუთი გააჩერეთ.
- კუსკუსი ჩანგლით დაამუშავეთ, დარჩენილი მდუღარე დაასხით, ნახევარი ლიმონის წვენი დააწურეთ და ძირა დაუმატეთ. 5 წუთი თავდახურული გააჩერეთ.
- გადაიტანეთ სასალათეში და გააგრილეთ.
- დაუმატეთ ბულგარული წიწაკა, შუაზე გაჭრილი წვრილი პამიდვრები, წვრილად დაჭრილი კიტრი, მწვანე ხახვი, ოხრახუში და პიტნა. ჯამი კარგად შეანჯღრიეთ.
- მორჩენილი ზეთი და ლიმონის წვენი მექანიკური სათქვეფით ათქვიფეთ, შეკაზმეთ მარილითა და ახალდაფქული პილპილით.
კუსკუსის სალათა მზადაა. გემრიელად მიირთვით! გაუზიარეთ ეს მარტივი რეცეპტი მეგობრებს!
