ამ თანამედროვე, კლასიკური ნამცხვრის რეცეპტი პირველად ჟურნალ “Sautern Living“-ის 1978 წლის თებერვლის ნომერში გამოქვეყნდა. რეცეპტის ავტორი ქალბატონი უიგინსი იყო, სამხრეთ კაროლინიდან. ნამცხვრის ეგზოტიკური სახელის ისტორია არავინ იცის, მაგრამ ფიქრობენ, რომ იგი ტროპიკებისა და სიტკბოს სიმბოლოა.
ინგრედიენტები:
ბისკვიტისთვის:
- 225 გ თეთრი ფქვილი
- 1 ჩ.კ. სოდა
- 1 ½ ჩ.კ. დაფქული დარიჩინი
- 200 გ მუქი ყავისფერი შაქარი
- 120 მლ ზეთი
- 2 კვერცხი, ოდნავ ათქვეფილი
- 1 ½ ჩ.კ. ვანილის ექსტრაქტი (ესენცია)
- 450 გ ანანასი დაჭრილი, გაწურული
- 200 გ ბანანის პიურე
- 60 გ ქოქოსის კაკლის ბურბუშელა
- 60 გ პეკანის კაკალი, მსხვილად დაჭრილი
მინანქრისთვის:
- 180 გ ნაღების ყველი, დარბილებული
- 90 გ კარაქი მარილიანი, დარბილებული
- 1 ჩ.კ. ვანილის ექსტრაქტი (ესენცია)
- 375 გ შაქრის პუდრი
მომზადების წესი:
- ბისკვიტი: ღუმელი წინასწარ გააცხელეთ 170 გრადუსზე. ნამცხვრის მრგვალ ფორმას (23 სმ), რომელსაც გვერდი ეხსნება მთელ ზედაპირზე კარაქი წაუსვით და პერგამენტის ქაღალდი დაუფინეთ.
- ჯამში ფქვილი, სოდა და დარიჩინი მოათავსეთ.
- ყავისფერი შაქარი, კვერცხები, ზეთი და ვანილი მიქსერით დაბალ სიჩქარეზე ათქვიფეთ ერთგვაროვანი მასის მიღებამდე. თანმიმდევრობით დაუმატეთ ანანასი, ბანანი და ქოქოსის კაკლის ბურბუშელა. 60 გ პეკანის კაკალი კი ხელით შეურიეთ. ფრთხილად შეაზილეთ ფქვილი. მომზადებული ცომი ფორმაში კოვზით გადაიტანეთ.
- აცხვეთ 40-50 წუთი. ხის ჩხირი ცენტრში ჩაარჭვეთ და თუ არაფერი ამოჰყვა, ნამცხვარი მზად არის. 20 წუთი ფორმაში დატოვეთ, როცა გაგრილდებამ ცხაურზე გადააბრუნეთ, ფრთხილად მოაცილეთ ქაღალდი და ბოლომდე გააცივეთ.
- მინანქარი: ათქვიფეთ ნაღების ყველი, კარაქი და ვანილი. მიიღებთ თეთრ და კრემისებურ მასას. თანდათან დაუმატეთ შაქრის პუდრი.
- ნამცხვარს თავსა და გვერდებზე მინანქარი წაუსვით. მორთეთ პეკანის კაკალით. დაჭერით და სუფრაზე მიიტანეთ.
