დღეს Gastronomia.ge–ს რედაქცია გთავაზობთ ძალიან ნაზი და გემრიელი ტორტის დაუმსახურებლად დავიწყებულ რეცეპტს. ასეთი დესერტი საბჭოთა პერიოდში ძალიან პოპულარული იყო, სასადილოებსა და რესტორნებში ხშირად იყიდებოდა.
ბისკვიტის ინგრედიენტები:
- 5 კვერცხი
- 150 გრ შაქარი
- 150 გრ ფქვილი
- მწიკვი მარილი
- მწიკვი ვანილი
ცილოვან–კაკლიანი ბისკვიტის ინგრედიენტები:
- 3 კვერცხის ცილა
- 100 გრ შაქარი
- 60 გრ კაკალი
- ვანილი
- 20 გრ ფქვილი
კრემის ინგრედიენტები:
- 300 გრ კარაქი
- 270 გრ შაქარი
- 3 კვერცხის გული
- 180 გრ რძე
- 1 ს/კ კონიაკი
- ვანილი
გასაჟღენთად:
- 70 გრ შაქარი
- 80 მლ წყალი
- 1 ს/კ კონიაკი
მომზადების წესი:
- კაკალი დანით დაჭერით.
- კვერცხის ცილა და კოვზი შაქარი აურიეთ. სქელი და თეთრი მასის მიღებამდე ათქვიფეთ.
- დარჩენი შაქარი კაკალს და ფქვილს აურიეთ.
- ცილოვანი მასა კაკლის მასას აურიეთ და პერგამენტ დაფარებულ საცხობ ფორმაში ჩაასხით.
- 130-150 გრადუსზე 2-2,5 საათით აცხვეთ.
- კრემისთვის ყველა ინგრედიენტი კარაქის გარდა აურიეთ, ცეცხლზე დადგით და სქელი მასა მოხარშეთ. სუსტი ცეცხლი გამოიყენეთ, მასას მუდმივად აურიეთ.
- კრემი გააგრილეთ.
- კარაქი დაარბილეთ და მოცულობაში გაზრდამდე ათქვიფეთ, შემდეგ ნაწილ–ნაწილ მოხარშული კრემი დაუმატეთ და ათქვიფეთ.
- სიროფისთვის ყველა პროდუქტი აურიეთ. კონიაკი შეგიძლიათ სხვა ალკოჰოლით ჩაანაცვლოთ.
- ბისკვიტისთვის კვერცხი, შაქარი და მარილი აურიეთ. სქელი, ფუმფულა და მყარი მასის მიღებამდე ათქვიფეთ.
- ვანილი გემოვნებით დაუმატეთ.
- ფქვილი გაცერით და ნაწილ–ნაწილ დაუმატეთ, ათქვეფა არ შეწყვიტოთ.
- 180 გრადუსზე დაახლოებით 20-25 წუთით აცხვეთ.
- ბისკვიტი გააგრილეთ და შუაზე გაყავით. ჩამოჭრილი კუთხეები ბლენდერით დააქუცმაცეთ.
- თითოეული ფენა სიროფით გაჟღინთეთ.
- ტორტი თქვენი გემოვნებით ააწყვეთ: ფენები ნებისმიერი რიგით დააწყვეთ, კრემი უხვად წაუსვით.
- ტორტის გვერდებსა და ზედა ნაწილს კრემი წაუსვით, ნაფშვენი მოაყარეთ.
- ზემოდან საკონდიტრო ტომრით და სხვადასხვა საცმით კრემს ტოტების და ყვავილების ფორმა მიეცით.
- რამდენიმე საათით მაცივარში გასაჟღენთად და სტაბილიზაციისთვის შეინახეთ.
- გემრიელი დესერტი თქვენი გემოვნებით გააფორმეთ. ბევრი უბრალოდ გახეხილ რძიან შოკოლადს აყრის.
გემრიელ ჩაის სმას გისურვებთ.
