ტირამისუ – იტალიური დესერტია, რომელიც თითქმის მთელს ქვეყანაში სარგებლობს დიდი პოპულარულობით. კენკრის ტირამისუ დაგიგემოვნებიათ? თუ არა, მაშინ დროა ეს საოცრება აუცილებლად მოამზადოთ და დატკბეთ მისი საუცხოო გემოთი.
ინგრედიენტები:
- 250 მლ ნაღები
- 1 ფინჯანი (250 გ) მასკარპონე
- 2 ფინჯანი (300 გ) კენკრა, ჩანგლით დასრესილი
- 1/2 ფინჯანი (125 მლ) სადესერტო ღვინო
- 16 ცალი იტალიური ნამცხვარი “სავოიარდი” (ქალის თითები)
მომზადების წესი:
- პატარა თასში მიქსერით, მაღალი სიჩქარით ათქვიფეთ ნაღები.
- დაუმატეთ მასკარპონეს და ურიეთ შეზავებამდე. შეურიეთ კენკრაც.
- ნამცხვრები სანახევროდ ჩააწეთ სადესერტო ღვინოში დასარბილებად, შემდეგ 4 განიერ ჭიქაში ჩადეთ. მოასხით კენკრიანი ნაღების ნახევარი. ეს პროცედურა კიდევ გაიმეორეთ. მოაყარეთ დარიჩინი.
- თავზე დააფარეთ და მაცივარში შედგით 4 საათის ან მთელი ღამის განმავლობაში.
გემრიელად მიირთვით!
