დღეს Gastronomia.ge-ს რედაქცია გთავაზობთ ძალიან მარტივი, მაგრამ გემრიელი, რბილი და არომატული ვაშლის ღვეზელის რეცეპტს, რომელიც 20 წუთში მზადდება. არანაირი რთული ტექნიკა არ გჭირდებათ. საკმარისია, ყველაფერი აურიოთ და ღუმელში გამოაცხოთ. ძალიან მალე სუფრაზე წარმოუდგენლად გემრიელი ღვეზელის დიდი ულუფა გაჩნდება.
ინგრედიენტები:
- 4 კვერცხი
- 4 ს/კ შაქარი
- 1 ჩ/კ ცომის გამაფხვიერებელი
- 4 ს/კ არაჟანი
- 70 გრ კარაქი
- 200 გრ ფქვილი
- 4 ვაშლი
მომზადების წესი:
1. ყველა აუცილებელი ინგრედიენტი მოამზადეთ.
2. თასში კვერცხი ათქვიფეთ და შაქარი დაუმატეთ.
3. ერთგვაროვანი მასის მიღებამდე და პირველი ქაფის გაჩენამდე ათქვიფეთ. ისე, როგორც შარლოტას ნამცხვარში, ათქვეფა საჭირო არაა, საკმარისია, კომპონენტები გაერთიანდეს და შაქრის ფხვნილი გაიხსნას. არაჟანი და გამდნარი კარაქი დაუმატეთ და აურიეთ.
4. ფქვილი და გამაფხვიერებელი დაუმატეთ.
5. გლუვი, ერთგვაროვანი, საკმაოდ სქელი ცომის მიღებამდე აურიეთ. სათქვეფიდან ცომი ნელა, სქელ ზოლებად უნდა წვეთავდეს.
6. ვაშლი გაასუფთავეთ და გული ამოჭერით. კუბებად დაჭერით და თასში ჩაყარეთ. აურიეთ. ვაშლი ძალიან წვრილად არ დაჭრათ, ასე მზა დესერტში ვაშლს ვერ იგრძნობთ.
7. 18×25 სმ საცხობ ფორმას პერგამენტის ქაღალდი დააფინეთ და ცხიმი წაუსვით, მანანის ბურღული მოაყარეთ. ცომი ჩაასხით და თანაბრად გადაანაწილეთ.
8. 170-180 გრადუსამდე გახურებულ ღუმელში 20 წუთით აცხვეთ. შესაძლოა ცოტა მეტი დრო დაგჭირდეთ, ღუმელზეა დამოკიდებული. ვაშლის ღვეზელი ზომაში გაიზრდება და შეწითლდება. მზაობა კბილის ჩხირით შეამოწმეთ.
9. ოდნავ გააგრილეთ, შაქრის ფხვნილი მოაყარეთ, დაჭერით და სუფრაზე გაიტანეთ.
10. გემრიელ ჩაის სმას გისურვებთ!
