ქალიშვილი მეკითხება: „დედა, წითელი ბორშის მომზადება მინდა, სად ავიღო წყალი?“ ვპასუხობ: „ონკანის წყალი შეგიძლია გამოიყენო!“ პასუხად მესმის: „დედა, სად ვიშოვო წითელი წყალი?“ რამდენი დიასახლისიცაა, ბორშის მომზადების იმდენი რეცეპტი და საიდუმლო არსებობს. ზოგჯერ აღიარებენ, რას უმატებენ ბორშს, რომ კერძი გემრიელი, ნოყიერი, არომატული და შინდისფერი გამოვიდეს.
ყველა საიდუმლო გავიგე და თქვენც გიზიარებთ.
რას უმატებენ ბორშს
ნაჯერი შინდისფერის მისაღებად ბორშს სუფრის ჭარხლით ხარშავენ, ყველაზე მუქი ფერის ჯიშს ირჩევენ. თუ ძირნაყოფს პირდაპირ ბულიონს დაუმატებთ, ლამაზ ფერს ვერ მიიღებთ. ბორშისთვის ჭარხალი უნდა მოამზადოთ.
1. გახეხილი ჭარხალი მცენარეულ ზეთში ტაფაზე ჩაშუშეთ. კოვზი ძმარი დაუმატეთ, რომ შინდისფერი მაქსიმალურად შეინარჩუნოთ. ვაშლის ძმარი შეგიძლიათ გამოიყენოთ, რადგან ჯანმრთელობას ნაკლებად აზიანებს.
დასაშვებია მჟავე ვაშლის დამატება, წინასწარ გათალეთ. ლიმონის წვენი ან პომიდვრის პასტა ამ ამოცანას გაუმკლავდება. ჩაშუშული ბოსტნეული ქვაბში ბულიონს ხარშვის ბოლოს დაუმატეთ.
2. ჭარხალი ფოლგაში გახვეული ღუმელში შეგიძლიათ გამოაცხოთ. მზა ძირნაყოფი გათალეთ, დააქუცმაცეთ და ბორშს ბოლოს დაუმატეთ.
3. გარეცხილი ჭარხალი 1 საათით ხარშეთ. გაწმინდეთ, დაჭერით და ბოსტნეულთან ერთად მოთუშეთ. მზა საკაზმი ბულიონს დაუმატეთ. ჭარხლის ახალი ფოთლები ბორშს კომბოსტოს ნაცვლად შეგიძლიათ დაუმატოთ.
ბორშს შეგიძლიათ დაუმატოთ სხვადასხვა პროდუქტი. რა თქმა უნდა, კომბოსტო, სტაფილო და კარტოფილი ძირითადია. მაგალითად, ლობიო ბორშს ნოყიერს და მდიდრულს ხდის. ლობიოს ნაცვლად მწვანე ბარდა შეგიძლიათ დაუმატოთ. ახალი ბარდა ან დაკონსერვებული გამოგადგებათ.
პომიდორს კანი მოაშორეთ და ბოსტნეულთან ერთად ჩაშუშეთ. პომიდორი პომიდვრის პასტით შეგიძლიათ ჩაანაცვლოთ. წითელი ბულგარული წიწაკა კერძს ახალ არომატს შემატებს. ბადრიჯანიც შეგიძლიათ დაუმატოთ. პირველ რიგში, ბოსტნეული კანისგან გაწმინდეთ.
პიკანტურობისთვის ბორშს დაუმატეთ სხვადასხვა ბალახი და სანელებელი. წიწაკა (წიწაკების ნარევი) კერძის სიცხარეს არეგულირებს. მაიორანი ბორშს უჩვეულო გემოს მატებს. კამა და ოხრახუში გამოიყენება მშრალად და როგორც მწვანილი. დაფნის ფოთოლი ბორშს სასიამოვნო არომატს ანიჭებს.
მარილი გემოვნებით ემატება. ბორშში მსუბუქი სიტკბო რომ იგრძნობოდეს, კოვზი შაქრის ფხვნილი დაუმატეთ. ნიორი ახალი ან ხმელი დაუმატეთ. ორიგინალური სიმჟავისთვის ჭარხლის ბურახი გამოიყენეთ. სულ ცოტა დაუმატეთ და გემო გასინჯეთ. ალუბალიც გამოგადგებათ. ბორშს ტკბილ–მჟავე გემოს ანიჭებს. კენკრა კურკების გარეშე გამოიყენეთ.
გარდა ამისა, ამ მიზნით ბორშს შეგიძლიათ დაუმატოთ შავი მოცხარი. კენკრა დაჭყლიტეთ, საცერში გაატარეთ და სულ ცოტა დაუმატეთ. მთავარია, ზომიერება დაიცვათ და არ გადააჭარბოთ.
მსუყე ბორშის საიდუმლოებები
1. ბულიონი ძვლიანი ხორცით მოამზადეთ. ღორის და ხბოს ხორცი გამოიყენეთ.
2. ბორშში გამოგადგებათ იხვი, ბატი, ინდაური ან ქათამი.
3. თუ სახლში ხორცი არ გაქვთ, ბორში პელმენით მოამზადეთ. ასე ძალიან გემრიელი გამოდის.
4. როცა ხორციანი ბულიონის მოხარშვის დრო არ გაქვთ, ბორშს გუფთები დაუმატეთ, რომ მომზადების პროცესი დააჩქაროთ.
5. ბორშს გადამდნარი სალა ნივრით განსაკუთრებულ გემოს მატებს. მას სულ ბოლოს ამატებენ. ენით აღუწერელია!
სამარხვო ბორშს ქარსალა პომიდვრის სოუსში შეგიძლიათ დაუმატოთ. კონსერვები ბორშს იდეალურად ეთავსება. სოკოც გამოგადგებათ. ხმელი სოკო ან ქამა სოკო გამოიყენეთ. ხმელი სოკო წინასწარ გარეცხეთ და ჩაალბეთ, მდუღარე წყალი დაასხით.
ხშირად კერძს შავქლიავს უმატებენ. მომზადებამდე რამდენიმე წუთით ადრე დაუმატეთ, რომ სპეციფიკური გემო მიიღოთ. თუ შავქლიავი არ გიყვართ, არ გამოიყენოთ.
ქვაბიდან ძვლები შეგიძლიათ ამოიღოთ, ბოსტნეული დააბლენდეროთ და მოდურ კრემბორშად აქციოთ.
ექსპერიმენტები თამამად ჩაატარეთ. ასე საკუთარ ორიგინალურ რეცეპტს აუცილებლად გამოიგონებთ.
