ჩებურეკები კარტოფილით და ყველით: საუცხოო ხემსი

0
522

არომატული, გემრიელი და ხრაშუნა ჩებურეკები ბევრ ჩვენგანს უყვარს. და თუკი ამ გემრიელობით დატკბობა გსურთ, ნუ გაიქცევით ბაზარში, თავად მოამზადეთ კერძი შინ ინგრედიენტებისგან, რომლებშიც დარწმუნებული ხართ.

დღეს ჩვენ  ვეგეტარიანულ ჩებურეკებს მოვამზადებთ კარტოფილით, ყველით და მწვანილით. ხრაშუნა გარსი და ნაზი შიგთავსი – ნამდვილი კლასიკაა.

ინგრედიენტები

  • 9 ც კარტოფილი
  • 110 გრ კარაქი
  • 300 გრ კეფირი
  • 850 გრ ფქვილი
  • 100 გრ მაგარი ყველი
  • 1 ც კვერცხი
  • 2 ს.კ. არაჟანი
  • ზეთი გემოვნებით
  • კამა გემოვნებით
  • მარილი, შავი პილპილი გემოვნებით

მომზადება

1. შეურიეთ კეფირი, ნახევარი დარბილებული კარაქი, კვერცხი, არაჟანი. დაუმატეთ 0,5 ჩ.კ. მარილი.

2. ნელ-ნელა დაუმატეთ გაცრილი ფქვილი, მოზილეთ ცომი, დააფარეთ ხელსახოცი და დატოვეთ 30 წუთით.

3. მოხარშეთ კარტოფილი და მოამზადეთ პიურე, დაუმატეთ მარილი და პილპილი.

4. გახეხეთ ყველი, დაჭერით მწვანილი და დაუმატეთ პიურეს 10 გრ კარაქთან ერთად.

5. გაყავით ცომი 6-7 ნაწილად და გააბრტყელეთ 10-15 სმ დიამეტრზე.

6. მოათავსეთ შიგთავსი ცომის ნახევარ მხარეს, დააფინეთ მეორე მხარე, მოუჭირეთ და ჩაჭყლიტეთ კუთხეები ჩანგლით.

7. შეწვით ნაწარმი ზეთში ორივე მხრიდან. დაალაგეთ ქაღალდის ხელსახოცზე.

ამ რეცეპტს იოლად აითვისებთ, თუნდაც ჩებურეკებს პირველად აცხობდეთ. მოამზადეთ უგემრიელესი ხემსი და გაუზიარეთ რეცეპტი მეგობრებს!

პასუხის გაცემა

გთხოვთ დაწერეთ კომენტარი!
გთხოვთ ჩაწეროთ თქვენი სახელი