შქმერული რაჭული კერძია და სოფელ შქმერის სახელს უკავშირდება. შქმერული ერთ-ერთი ყველაზე პოპულარული და მოთხოვნადი კერძია ქართულ რესტორნებში.
ინგრედიენტები:
- 1 ცალი ქათამი
- 400-500 მლ რძე
- 1 თავი ნიორი
- 1-2 ს.კ. კარაქი
- მარილი
- დაჭრილი ქინძი გასაფორმებლად
მომზადების წესი:
ქათამი შევწვათ კარაქში ორივე მხრიდან და დავჭრათ ნაჭრებად. რძე ძალიან დაბალ ცეცხლზე ვადუღოთ, სანამ 350 მლ-მდე არ შემცირდება, დავუმატოთ დანაყილი ნიორი და მარილი. ცეცხლგამძლე ფორმაში ჩავაწყოთ ქათმის ნაჭრები, დავასხათ სოუსი და 10-15 წუთით 200 გრადუსზე გახურებულ ღუმელში შევდგათ. მზა კერძი მოვრთოთ დაჭრილი ქინძით.
ტრადიციული ვარიანტი
წიწილა ორივე მხრიდან შევწვათ კარაქში, დავჭრათ და მოვათავსოთ კეცზე. დარჩენილ ცხიმში მოვშუშოთ 1 თავი დაჭყლეტილი ნიორი და მოვაყაროთ მარილი. ეს მასა მოვასხათ ხორცის ნაჭრებს. დავასხათ იმდენი წყალი, რომ ნაწილობრივ დაფაროს და შევდგათ ღუმელში. როცა ადუღდება, გამოვიღოთ ღუმლიდან და დავუმატოთ ცოტაოდენი კარაქი.
