ყაბაყის რულეტები მადისაღმძვრელად და მიმზიდველად გამოიყურება, რისი წყალობითაც ეს კერძი შეგიძლიათ მიართვათ არამხოლოდ ყოველდღიურ ვახშამზე, არამედ სადღესასწაულო სუფრაზეც. თანაც ძალიან სწრაფად მზადდება. გთავაზობთ ტრადიციული შიგთავსის ორ ვარიანტს: ხაჭოს და ყველის.
ამ რეცეპტით მომზადებული ყაბაყის რულეტები ძალიან ნაზი და წვნიანი გამოდის, მთავარია, ყაბაყი ზომიერად შეწვათ. მოამზადეთ ერთხელ და ის თქვენი ოჯახის ერთ-ერთი საყვარელი კერძი გახდება.
ინგრედიენტები
- 6-8 ც ყაბაყი
- 200 გრ კრემ-ყველი
- 200 გრ ხაჭო
- ზეითნის ზეთი გემოვნებით
- 8-10 ც პომიდვრის ჩირი
- 3 კბ ნიორი
- ოხრახუში გემოვნებით
- მარილი, შავი პილპილიგემოვნებით
მომზადება
- პირველი შიგთავსისთვის შეურიეთ კრემ-ყველი, გატარებული ნიორი, დაჭრილი მწვანილი, მარილი და პილპილი.
- მეორე შიგთავსისთვის დააბლენდერეთ დაჭრილი პომიდვრის ჩირი და ნიორი, დაუმატეთ ცხიმიანი ხაჭო, მარილი, პილპილი.
- დაჭერით სიგრძეზე თხლად ყაბაყი, შეწვით ტაფაზე ან გრილზე ორივე მხრიდან.
- წაუსვით შემწვარ ყაბაყს შიგთავსი და დაახვიეთ რულეტები.
მირთმევამდე კერძი რამდენიმე ხნით შედგით მაცივარში. ვიმედოვნებთ, რომ რეცეპტი მოგეწონებათ. მოამზადეთ სიამოვნებით და გაუზიარეთ რეცეპტი მეგობრებს!
