ტორტი “დღე და ღამე” – ეს ის ტკბილეულია, რომელიც ტკბილ მოგონებად გვექცა. ეს დესერტი აუცილებლად დაგაბრუნებთ ბავშვობაში…
ინგრედიენტები:
- კარაქი – 200 გრამი
- კვერცხი – 5 ცალი
- დანაყილი შაქრის ფხვნილი – 2½ ჩაის ჭიქა
- რძე – 1 ჩაის ჭიქა
- პურის ფქვილი – ½ კილოგრამი
- კაკაო – 2 სუფრის კოვზი
- ერბო -ყალიბის წასასმელად
- სოდა – 1 ჩაის კოვზი
მომზადების წესი:
- კარაქი კარგად გათქვიფეთ, მერე 5 კვერცხის გული სათითაოდ მიუმატეთ და თან ურიეთ, ჩაყარეთ 1½ ჩაის ჭიქა შაქრის ფხვნილი, ჩაასხით შიგ ოდნავ თბილი რძე, ჩაუმატეთ სოდა, პურის ფქვილიდა აურიეთ.
- ამ მასალიდან გადაიღეთ 3 სუფრის კოვზი და შიგ აურიეთ 2 სუფრის კოვზი კაკაო და 3/4 ჩაის ჭიქა დანაყილი შაქრის ფხვნილი.
- ყალიბს წაუსვით ერბო,ზედ დაასხით 1 კოვზი თეთრი მასალა, მეორე კი მუქი, მერე ისევ თეთრი და ასე მოიქეცით, სანამ მუქი მასალა არ გამოგელევათ.
- ზემოდან დაასხით სულ თეთრი მასალა და შედგით ღუმელში.
- როცა გამოცხვება, ამოიღეთ ყალიბიდან და მოაყარეთ დანაყილი შაქრის ფხვნილი, ან სურვილისამებრ წაუსვით თქვენთვის სასურველი კრემი. ასე კიდევ უფრო იდეალური დესერტი გამოგივათ!
